சவுதி அரேபிய மன்னரின் சலுகைகள்

சவுதி அரேபியாவின் மன்னர் அப்துல்லா அரசு ஊழியர்களுக்கு பல சலுகைகளை வழங்குவதாக அறிவித்துள்ளார். உடல் நலம் குன்றியிருந்து மன்னர் மொராக்கோவில் சிகிச்சை பெற்ற பின்னர் இன்று (23.02.2011) சவுதி திரும்பினார்.

---

நாடு திரும்பியதும் அவர் அரசு ஊழியர்களுக்குச் சம்பளத்தில் 15 சதவிகிதம் உயர்வு வழங்குவதாக அறிவித்தார். இது தவிர வெளிநாடுகளில் படிக்கும் மாணவர்களுக்கான கல்விக் கட்டண உதவி, வேலையில்லாமல் இருக்கும் சவுதி பிரஜைகளுக்கு உதவித் தொகை, கடன் வாங்கி செலுத்த முடியாமல் சிறையில் இருப்பவர்களின் கடனை அரசு வழங்கும் என பல சலுகைகளை அளித்துள்ளார். இவ்வாறு ஏறத்தாழ 50 ஆயிரம் கோடி ரூபாய் மதிப்புள்ள உதவித் திட்டங்களை அப்துல்லா அறிவித்துள்ளார்.

மத்திய கிழக்கு மற்றும் ஆப்ரிக்க நாடுகளில் மக்கள் பொருளாதார நெருக்கடியால் ஆளுகின்ற அரசுக்கெதிராக கிளர்ந்தெழுவது தொடர்ந்து நடைபெற்று வருகையில் சவுதி மன்னரின் இந்த அறிவிப்பு மக்களை அமைதிப்படுத்தும் முயற்சியாக தெரிகிறது. 

 

அரசியல் தொழில் அல்ல, சேவை - ஜவாஹிருல்லாஹ்

அரசியல் என்பது ஒரு தொழில் அல்ல அது மக்களுக்கு செய்யப்படும் சேவை என்பதை உலகுக்கு உணர்த்தும் வகையில் வருகின்ற சட்டமன்றத் தேர்தலில் மனித நேய மக்கள் கட்சியின் வேட்பாளர்கள் அறிவிக்கப்படுவார்கள் என அந்தக் கட்சியின் தலைவர் ஜவாஹிருல்லாஹ் தெரிவித்துள்ளார்.

மனித நேய மக்கள் கட்சி சார்பில் கன்னியாகுமரி மாவட்டம் திங்கள் சந்தையில் 25.01.2011 அன்று பொதுக் கூட்டம் நடைபெற்றது. இந்தக் கூட்டத்தில் கலந்து கொண்டு உரையாற்றிய அவர் மனித நேய மக்கள் கட்சியில் சிறுபான்மை சமுதாயத்தைச் சார்ந்த 15 லட்சம் பேர் உறுப்பினர்களாக உள்ளதாக தெரிவி்த்தார்.

தங்களது கூட்டணியில் தேமுதிக இணைவது புத்துணர்ச்சியை ஏற்படுத்துகிறது என்று குறிப்பிட்ட அவர் தமிழக மீனவர்கள் மீது துப்பாக்கி சூடு நடத்தப்படுவதை மத்திய அரசு வேடிக்கை பார்த்துக் கொண்டிருக்கக் கூடாது என தெரிவித்தார்.

செய்தி:இந்நேரம்  

தீவிரவாதி சுனில் ஜோஷி கொலையில் பெண் சாமியார் பிரக்யா சிங் கைது

தீவிரவாதி சுனில் ஜோஷி கொலை வழக்கில் பெண் சாமியார் பிரக்யாசிங்கை மத்தியப் பிரதேச காவல்துறை கைது செய்துள்ளது.

மாலேகான் குண்டு வெடிப்பு, ஹைதராபாத் குண்டு வெடிப்பு, சம்ஜௌத தொடர்வண்டி குண்டு வெடிப்பு என்று அண்மைக் காலமாக இந்தியாவில் சம்பவித்த குண்டுவெடிப்புச் சம்பவங்களுக்கு மூளையாகச் செயல்பட்டவன் என்று குற்றம் சுமத்தப்பட்ட இந்துத்துவ தீவிரவாதி சுனில் ஜோஷி 2007, டிசம்பர் 29-ம் தேதி  மத்தியப் பிரதேசத்தில் சுட்டுக் கொல்லப்பட்டான்.  உண்மைகளை மறைக்கும் நோக்கில் இந்துத்துவ துணை அமைப்புகளைச் சேர்ந்தவர்களே இவனைச் சுட்டுக்கொன்று விட்டதாகச் சொல்லப்பட்டது.

சம்ஜெளதா எக்ஸ்பிரஸ் குண்டுவெடிப்பு வழக்கில் குற்றம்சாட்டப்பட்ட சுனில் ஜோஷி கொலை செய்யப்பட்டது தொடர்பான வழக்கில் பெண் சாமியார் பிரக்யா சிங் கைது செய்யப்பட்டுள்ளார்.இத்தகவலை சிபிஐ சிறப்பு வழக்கறிஞர் ரோஹிணி சாலியன் இன்று செய்தியாளர்களிடம் தெரிவித்தார்.பிரக்யா சிங், தற்போது மும்பையில் உள்ள ஜே.ஜே. மருத்துவமனையில் சிகிச்சை பெற்று வருகிறார். 2007, டிசம்பர் 29-ம் தேதி சுனில் ஜோஷி மத்தியப் பிரதேசத்தில் சுட்டுக் கொல்லப்பட்டார்.

செய்தி:இந்நேரம் 

http://www.koothanallurmuslims.com/2011/02/blog-post_3294.html

சர்வதேச முஸ்லிம் அறிஞர்கள் கூட்டமைப்பின் தலைவரும், பிரபல இஸ்லாமிய மார்க்க அறிஞருமான டாக்டர்.யூசுஃப் அல் கர்தாவி அல்ஜஸீராவுக்கு அளித்த நேர்முகத்தில், லிபியாவின் ஏகாதிபத்தியவாதி முஅம்மர் கத்தாஃபியை சுட்டுக் கொல்லுமாறு அந்நாட்டு ராணுவத்தினருக்கு வேண்டுகோள் விடுத்துள்ளார்.

இதுத்தொடர்பாக அவர் தெரிவித்த கருத்தின் சாரம்சம் வருமாறு: தனது சொந்த நாட்டு மக்களுக்காக ஏவுகணகளை பயன்படுத்தி போராடுவது ஹீரோயிஸம் அல்ல. நான் எனது லிபியா ராணுவத்தைச் சார்ந்த எனது சகோதரர்களுக்கும், மக்களுக்கு கூறிக்கொள்கிறேன், நீங்கள் மக்களைக் கொல்வதற்கான கட்டளைகளுக்கு கீழ்படியாதீர்கள். ராணுவத்தினரில் எவருக்காவது முடியுமானால் அவர் கத்தாஃபியை கொல்லட்டும் என ஃபத்வா(மார்க்கத்தீர்ப்பு) வழங்குகிறேன்.

அவரைச் சுட்டு வீழ்த்துங்கள். அவரின்(கத்தாஃபி) தீங்கிலிருந்து மக்களை பாதுகாத்துக் கொள்ளுங்கள்’ இவ்வாறு கத்தாஃபி கூறியுள்ளார்.

செய்தி:கூத்தாநல்லூர் முஸ்லீம்ஸ்

நிலைத்தடுமாறும் கத்தாஃபி

ஏகாதிபத்திய ஆட்சிக்கெதிராக லிபியாவில் மக்கள் எழுச்சி கொளுந்துவிட்டு எரிந்துக் கொண்டிருக்கிறது. இந்நிலையில் எழுச்சிப் போராட்டத்தில் ஈடுபட்டோர் மீது கொடூரமான தாக்குதலை கட்டவிழ்த்துவிட்டுள்ளார் அந்நாட்டின் அதிபர் முஅம்மர் கத்தாஃபி.

தேசிய தொலைக்காட்சியில் தோன்றி கொலை வெறித்தனமாக பேட்டிக்கொடுத்த அவர், தற்போது மக்கள் எழுச்சியை திசை திருப்பும் முகமாக லிபியாவில் போராட்டத்தை வழி நடத்துவது அல்காயிதா என புழுகியுள்ளார்.

இதுகுறித்து அவர் கூறும்போது: "தெளிவாக தெரிகிறது லிபியாவின் தற்போதையை பிரச்சனையை வழி நடத்துவது அல்காயிதாதான் என. 20 வயதுக்கு மேற்பட்டோர் எவருமே இந்த போராட்டங்களில் கலந்துக் கொள்ளவில்லை. இளைஞர்களை அல்காயிதா வன்முறைக்காக தூண்டுகிறது." என கூறுகிறார் கத்தாஃபி.

செய்தி:கூத்தாநல்லூர் முஸ்லீம்ஸ் 

கோத்ரா: நீதிமன்றத் தீர்ப்பிற்கு கண்டனம் - SDPI

கோத்ரா ரெயில் எரிப்புத் தொடர்பாக நீதிமன்றத்தின் தீர்ப்பிற்கு சோஷியல் டெமோக்ரேடிக் பார்டி ஆஃப் இந்தியா கண்டனம் தெரிவித்துள்ளது.

இதுத் தொடர்பாக SDPI-ன் தேசிய தலைவர் E.அபூபக்கர் வெளியிட்டுள்ள அறிக்கையில் கூறியிருப்பதாவது: "கோத்ரா வழக்கில் ஒன்பது ஆண்டுகளுக்கு பிறகு வெளியான தீர்ப்பு நீதியை ஏளனம் செய்கிறது. இந்திய நீதிபீடத்தின் நொடிப்பு நிலையை இது தெளிவாக்குகிறது.

குற்றமற்றவர்கள் என விடுவிக்கப்பட்டவர்கள் இவ்வளவு காலம் பெரும்பாலும் சிறையில் அடைக்கப்பட்டிருந்தனர். அவர்களுக்கு ஜாமீன் மறுக்கப்பட்டது. சந்தேகத்தின் பெயரால் அவர்களுக்கு மதிப்புமிக்க ஒன்பது ஆண்டுகள் நஷ்டமானது. ரெயிலை எரிக்க முஸ்லிம்கள் சதித்திட்டம் தீட்டினார்கள் என்ற போலீஸாரின் அறிக்கையை ஒத்து நீதிமன்றத்தின் தீர்ப்பு அமைந்துள்ளது. ஆனால், குஜராத் போலீஸ், அரசுக்கு சார்பாக செயல்படுவதாகும்.

ஏற்கனவே குஜராத் இனப்படுகொலைத் தொடர்பான சில வழக்குகளை குஜராத்திற்கு வெளியே விசாரிக்க உச்சநீதிமன்றம் உத்தரவிட்டுள்ளது என்பது நினைவுக்கூறத்தக்கதாகும்.

கோத்ரா ரெயில் எரிப்பு சம்பவம் குறித்து விசாரணை நடத்த நியமிக்கப்பட்ட பானர்ஜி கமிஷனும், குஜராத் மோடி அரசால் நியமிக்கப்பட்ட நானாவதி கமிஷனும் வெளியிட்ட அறிக்கைகளில் வேறுபாடுகள் உள்ளன.

ரெயில் சென்றுக்கொண்டிருக்கும் பொழுது 60 லிட்டர் பெட்ரோலை வெளியேயிருந்து ஊற்றமுடியாது எனவும், எரிக்கப்பட்ட ரெயில் பெட்டி உள்ளே பூட்டப்பட்டிருந்தது எனவும் பானர்ஜி கமிஷன் அறிக்கை சுட்டிக்காட்டியது.

நானாவதி கமிஷன் அறிக்கையை மட்டும் நீதிபதி கவனத்தில் கொண்டுள்ளாரா? என்று கருதவேண்டியுள்ளது. தீர்ப்பு வழங்குவதற்கு முன் பானர்ஜி கமிஷனின் கண்டறிந்தவைகளை நீதிபதி புறக்கணித்துள்ளார்.

தண்டிக்கப்பட்டவர்களில் பெரும்பாலோர் குஜராத் அரசால் பொய்வழக்கில் சிக்கவைக்கப்பட்டு சித்திரவதைச் செய்து வாக்குமூலம் வாங்கப்பட்டவர்கள்." இவ்வாறு E.அபூபக்கர் கூறியுள்ளார்.

செய்தி:கூத்தநல்லூர் முஸ்லீம்ஸ் 

சைக்கிள் ஓட்டியவர் தற்பொழுது ஹெலிகாப்டரில் பறக்கிறார்

யோகா என்றாலே பலருக்கு அலாதி பிரியம் உருவாகிவிட்டது. 'வாழுங்கலை' இன்னும் பல்வேறு பெயர்களில் சில மெஸ்மரிஸ கலைகளையும் கற்றுவிட்டு கோடி கோடியாக சம்பாதிக்கின்றார்கள் பல சாமியார்கள்.

'கதவைத்திற காற்று உள்ளே வரட்டும்' என கட்டுரை எழுதிய ஒரு சாமியார் 'கதவை மூடமறந்ததால்' சர்ச்சையில் சிக்கி சீரழிந்தார். இந்நிலையில் பல்வேறு சாமியார்களின் கதைகள் ஒன்றன்பின் ஒன்றாக வெளிவந்த பொழுதிலும் பலருக்கு யோகா மற்றும் சுவாமிகள் மீதான பற்று விட்டப்பாடில்லை.

இப்பொழுது புதியதொரு சர்ச்சை கிளம்பியுள்ளது. அவர்தாம் சர்வதேச அளவில் புகழ்பெற்ற யோகா சாமியார் ராம்தேவ். கடந்த 10 ஆண்டுகளில் அவர் சட்டத்திற்கு புறம்பாக சம்பாதித்த சொத்துக்களைக் குறித்து சி.பி.ஐ விசாரணை நடத்தக் கோரப்பட்டுள்ளது.

இந்தியாவின் பல இடங்களிலும் சொத்துக்களை குவித்துள்ள சுவாமிஜிக்கு கோயில்கள் நிறைந்த ஹரித்துவாரில் மட்டும் 1000 கோடிக்கான சொத்துக்கள் உள்ளனவாம்.

பத்து ஆண்டுகளுக்கு முன்பு சைக்கிளில் சஞ்சரித்த சுவாமி ராம்தேவ் இன்று ஹெலிகாப்டருக்கு சொந்தக்காரர். தனக்கு சொந்தமான சைக்கிளுக்கு பஞ்சர் ஒட்ட வக்கில்லாத ராம்தேவின் நம்பமுடியாத வளர்ச்சியின் பின்னணியைக் குறித்து சி.பி.ஐ விசாரித்து உண்மையை வெளிக்கொணர கோரியது நாத்திகர்கள் அல்லர். மாறாக அகில பாரதீய அகாரா பரிஷத்தின் செய்தித்தொடர்பாளர் பாபா
ஹட்யோகிதான். இதேக் கோரிக்கையை முன்வைத்து பலரும் முன்வந்துள்ளனர்.

வட இந்தியர்களுக்கு மத்தியில் ஆஷ்தா தொலைக்காட்சி சேனல் மற்றும் இதர சேனல்கள் வாயிலாக அதிகாலைகளில் யோகா பயிற்சியை துவங்கிய ராம்தேவின் வளர்ச்சி திடீரென உருவானதாகும்.

ராம்தேவால் உருவாக்கப்பட்டதுதான் உடல் நலனுக்கான பயிற்சியான யோகா கலை என பல மக்களும் தவறாகவே விளங்கி தொலைக்காட்சிக்கு முன்பாக உட்கார்ந்து பயிற்சி எடுத்துவருகின்றனர்.

சுவாமி என்ற நிலையில் கட்சி பேதமற்ற அனைவரும் பாபா ராம்தேவின் ஆதரவை பெறுவதில் மும்முரமாக ஈடுபட்டனர்.

இதற்கிடையில் ராம்தேவின் பதஞ்சலி யோகா பீட அறக்கட்டளையின் வருமானம் குவியத் துவங்கியது. திவ்யயோக மந்திர், திவ்ய யோகா ஆசிரமம், திவ்யா ஃபார்மஸி, பதஞ்சலி ஹெர்பல், பதஞ்சலி யோகாபீடம், பதஞ்சலி யோகா பல்கலைக்கழகம், பதஞ்சலி மெகா ஃபுட் பார்க், நிவாரண தியானம், ஆயுர்வேதா சிகிட்சை மையம் என அறக்கட்டளையின் கீழ் நிறுவனங்களின் பட்டியல் நீளுகிறது.

பெருமளவிலான நிலங்களும், ஆஷ்த தொலைக்காட்சியின் பெரும் பங்குத் தொகையும் ராம்தேவுக்கு சொந்தமாகும். ஹரித்துவாருக்கு வெளியே வந்தால் ராம்தேவின் சொத்துக்களை கண்டுபிடிக்க தனியாக சர்வே நடத்தவேண்டிவரும்.

நான்கு ஆண்டுகளுக்கு முன்பு சங்கர்தேவ் என்ற சன்னியாசி சந்தேகமான நிலையில் காணாமல் போனார். அதனைத் தொடர்ந்து ராம்தேவின் ஆசிரமத்தின் செயல்பாடுகளில் மர்மம் நீடிக்கிறது என ஹட்யோகி கூறுகிறார்.

ராம்தேவின் ஆசிரமத்திலிருந்து தயாரிக்கப்பட்ட மருந்துகளில் மோசடி உள்ளதாக குற்றச்சாட்டு எழுந்துள்ளது. சில மருந்துகளில் அஸ்திகள் இருப்பதாக சுட்டிக்காட்டி சில ஆண்டுகளுக்கு முன்பு சி.பி.எம் பொலிட் பீரோ உறுப்பினர் பிருந்தா காரட் குற்றச்சாட்டை எழுப்பியிருந்தார். ஆனால், பல்வேறு கட்சியைச் சார்ந்த உறுப்பினர்கள் சுவாமிஜிக்கு ஆதரவாக களமிறங்கியதால் பிருந்தா கப்சிப்பானார்.

மக்கள் ஆதரவு அதிகரித்தைத் தொடர்ந்து சுவாமிஜியின் கண்கள் அரசியலை நோட்டமிடத் துவங்கின. அதற்கான முயற்சியிலும் இறங்கினார் அவர். ஜூன் மாதம் கட்சியை அறிவிப்பேன் என அவர் கூறியதும் அவரை ஆதரித்த பல கட்சிகளும் மெதுவாக நழுவ துவங்கினர். ஏனெனில் தங்களுடைய வாக்கு வங்கிகளில் வீழ்ச்சி ஏற்பட்டுவிடுமோ என்ற கவலை அரசியல் கட்சிகளுக்கு ஏற்பட்டுள்ளது. ஆனால் யோகாவுக்கு கிடைத்த மரியாதை சுவாமிஜியின் அரசியல் கட்சிக்கு கிடைக்கவில்லை. இதனால் 'கறுப்புப் பணத்திற்கான போர்' என பிரகடனப்படுத்தி ஆள் சேர்க்கும் பணியில் ஈடுபட்டுள்ளார் அவர். இந்த அறிவிப்பு அரசியல் கட்சிகளுக்கு அவர் மீதான வெறுப்பை அதிகரிக்கச் செய்துள்ளது.

இதற்கிடையேதான் ராம்தேவின் சட்டத்திற்கு புறம்பான வருமானத்தைக் குறித்து விசாரிக்க வேண்டுமென கோரிக்கை பல தரப்பிலிருந்தும் எழுந்துள்ளது. அதில் முக்கியமானவர் காங்கிரஸ் கட்சியின் தேசிய பொதுச் செயலாளர் திக் விஜய்சிங்.

மறைந்த முன்னாள் இந்திய பிரதமர் ராஜீவ் காந்திக்கு பாரத ரத்னா விருது வழங்கியதுக் குறித்து ஒரு நிகழ்ச்சியில் கேள்வி எழுப்பிய ராம்தேவை அருணாச்சல மாநில காங்கிரஸ் எம்.பியான நினோங் எரிங் 'ப்ளடி இந்தியன் டாக்' என திட்டியது சமீபத்திய சர்ச்சையாகும்.

காங்கிரஸ் எம்.பியை பாராளுமன்றத்தில் நுழைய அனுமதிக்கமாட்டோம் என ராம்தேவ் ஆதரவாளர்கள் மிரட்டல் விடுத்துள்ளனர். எம்.பியிடம் காங்கிரஸ் கட்சி விளக்கம் கேட்டுள்ளது.

இதற்கிடையே ராம்தேவை ஆதரித்து பாசிச பா.ஜ.க களமிறங்கியுள்ளது. சாமியார்களுக்கு ஏதேனும் நேர்ந்தால் இவர்களால் பொறுத்துக்கொள்ள முடியாதல்லவா?

செய்தி;கூத்தாநல்லூர் முஸ்லீம்ஸ்

ஈரான் போர்க்கப்பல்கள் சூயஸ் கால்வாயில் நடமாட்டம்: அமேரிக்கா, இஸ்ரேல் கவலை

1979-ல் ஏற்பட்ட புரட்சிக்குப் பின்னர் முதல் முறையாக ஈரான் போர்க்கப்பல்கள் சூயஸ் கால்வாயை கடந்து இப்போதுதான் மத்தியதரைக் கடல் பகுதியில் வலம் வருகின்றன. இது குறித்து அமேரிக்கா, இஸ்ரேல் நாடுகள் கவலை தெரிவித்துள்ளன.

ஈரானின் இச்செயலை அத்துமீறிய செயலாகவே கருதுகிறோம். இதனால் அக்கப்பல்கள் எங்கெல்லாம் செல்கின்றன என்பதை எச்சரிக்கையோடு கவனித்து வருகிறோம் என்று அமெரிக்காவின் வெளியுறவுத் துறை செய்தித் தொடர்பாளர் பிலிப் குரோவ்லே தெரிவித்துள்ளார்.

ஈரான் எப்போதும் தங்களுக்கு எதிராகவே செயல்பட்டு வருவதாக இஸ்ரேல் கருதுகிறது. இதனால் அந்நாட்டு போர்க்கப்பல்கள் மத்தியதரைக் கடல் பகுதியில் வலம் வருவதற்கும் அந்நாடு அதிருப்தி தெரிவித்துள்ளது.ஈரான் போர்க்கப்பல்களால் அச்சுறுத்தல் ஏற்பட்டாலும் ஆச்சர்யப்படுவதற்கில்லை. அப்படி ஏற்பட்டால் அதை எதிர்கொள்ளத் தயாராக இருங்கள் என்று தமது நாட்டு கடற்படைக்கு இஸ்ரேல் உத்தரவிட்டுள்ளது.

ஆனால் தங்களது நாட்டு போர்க்கப்பல்கள் மத்தியதரைக் கடல் பகுதியில் வலம் வருவது வழக்கமான ஒன்றுதான் என்று ஈரான் தெரிவித்துள்ளது.

இதனிடையே, எகிப்துடன் பகைமை கொண்டிராத எந்த ஒரு நாட்டின் போர்க்கப்பலும் சூயல் கால்வாயை கடந்து மத்தியதரைக் கடலில் வலம் வரலாம் என்று சூயஸ் கால்வாய் நிர்வாகம் தெரிவித்துள்ளது.

செய்தி:பாலைவனதூது 

டேவிஸை விடுதலைச்செ​ய்ய மீண்டும் நிர்பந்தம்

வாஷிங்டன்,பிப்.25:இரண்டு பாகிஸ்தானியர்களை அநியாயமாக சுட்டுக்கொன்ற அமெரிக்க தூதரக அதிகாரி ரேமண்ட் டேவிஸை விடுதலைச் செய்ய மீண்டும் அமெரிக்கா பாகிஸ்தானிற்கு நிர்பந்தம் அளித்துள்ளது.

டேவிஸ் தூதரக அதிகாரியின் அந்தஸ்தை பெற்றவர் எனவும், சர்வதேச சட்டத்தின்படி வியன்னா ஒப்பந்தத்தின் நிபந்தனைகளை பாகிஸ்தான் கடைப்பிடிக்க வேண்டுமெனக்கோரி வெள்ளைமாளிகையின் பத்திரிகைத் தொடர்பு செயலாளர் ஜெய் கார்னி வலியுறுத்தியுள்ளார்.

தூதரக உறவை பேணும் நாடுகளுக்கு இந்த ஒப்பந்தத்தை பேணும் கடமை உண்டு என கார்னி கூறுகிறார். அதேவேளையில், டேவிஸ் வழக்குத் தொடர்பான தீர்மானத்தை பாகிஸ்தான் நீதிமன்றம் தீர்மானிக்கும் என பாகிஸ்தான் தலைவர்கள் ஏற்கனவே அறிவித்துள்ளனர்.

செய்தி:பாலைவனதூது

கோத்ரா:நீதிமன்றத் தீர்ப்பிற்கு கண்டனம் - எஸ்.டி.பி.ஐ

புதுடெல்லி,பிப்.25:கோத்ரா ரெயில் எரிப்புத் தொடர்பாக நீதிமன்றத்தின் தீர்ப்பிற்கு சோஷியல் டெமோக்ரேடிக் பார்டி ஆஃப் இந்தியா கண்டனம் தெரிவித்துள்ளது.

இதுத் தொடர்பாக எஸ்.டி.பி.ஐயின் தேசிய தலைவர் இ.அபூபக்கர் வெளியிட்டுள்ள அறிக்கையில் கூறியிருப்பதாவது: "கோத்ரா வழக்கில் ஒன்பது ஆண்டுகளுக்கு பிறகு வெளியான தீர்ப்பு நீதியை ஏளனம் செய்கிறது. இந்திய நீதிபீடத்தின் நொடிப்பு நிலையை இது தெளிவாக்குகிறது.

குற்றமற்றவர்கள் என விடுவிக்கப்பட்டவர்கள் இவ்வளவு காலம் பெரும்பாலும் சிறையில் அடைக்கப்பட்டிருந்தனர். அவர்களுக்கு ஜாமீன் மறுக்கப்பட்டது. சந்தேகத்தின் பெயரால் அவர்களுக்கு மதிப்புமிக்க ஒன்பது ஆண்டுகள் நஷ்டமானது. ரெயிலை எரிக்க முஸ்லிம்கள் சதித்திட்டம் தீட்டினார்கள் என்ற போலீஸாரின் அறிக்கையை ஒத்து நீதிமன்றத்தின் தீர்ப்பு அமைந்துள்ளது. ஆனால், குஜராத் போலீஸ், அரசுக்கு சார்பாக செயல்படுவதாகும்.

ஏற்கனவே குஜராத் இனப்படுகொலைத் தொடர்பான சில வழக்குகளை குஜராத்திற்கு வெளியே விசாரிக்க உச்சநீதிமன்றம் உத்தரவிட்டுள்ளது என்பது நினைவுக்கூறத்தக்கதாகும்.

கோத்ரா ரெயில் எரிப்பு சம்பவம் குறித்து விசாரணை நடத்த நியமிக்கப்பட்ட பானர்ஜி கமிஷனும், குஜராத் மோடி அரசால் நியமிக்கப்பட்ட நானாவதி கமிஷனும் வெளியிட்ட அறிக்கைகளில் வேறுபாடுகள் உள்ளன.

ரெயில் சென்றுக்கொண்டிருக்கும் பொழுது 60 லிட்டர் பெட்ரோலை வெளியேயிருந்து ஊற்றமுடியாது எனவும், எரிக்கப்பட்ட ரெயில் பெட்டி உள்ளே பூட்டப்பட்டிருந்தது எனவும் பானர்ஜி கமிஷன் அறிக்கை சுட்டிக்காட்டியது.

நானாவதி கமிஷன் அறிக்கையை மட்டும் நீதிபதி கவனத்தில் கொண்டுள்ளாரா? என்று கருதவேண்டியுள்ளது. தீர்ப்பு வழங்குவதற்கு முன் பானர்ஜி கமிஷனின் கண்டறிந்தவைகளை நீதிபதி புறக்கணித்துள்ளார்.

தண்டிக்கப்பட்டவர்களில் பெரும்பாலோர் குஜராத் அரசால் பொய்வழக்கில் சிக்கவைக்கப்பட்டு சித்திரவதைச் செய்து வாக்குமூலம் வாங்கப்பட்டவர்கள்." இவ்வாறு இ.அபூபக்கர் கூறியுள்ளார்.

செய்தி:பாலைவனதூது 

புரட்சி அமெரிக்காவிலும், மேற்கத்திய நாடுகளிலும் பரவும் - அஹ்மத் நஜாத்

மேற்காசியாவிலும், வட ஆப்பிரிக்காவிலும் ஆச்சரியப்படத்தக்க வகையில் உருவான மக்கள் புரட்சி அமெரிக்காவிலும், மேற்கத்திய நாடுகளிலும் பரவு காலம் வெகுதூரத்தில் இல்லை என ஈரான் அதிபர் அஹ்மத் நஜாத் தெரிவித்துள்ளார்.

நாட்டு மக்களை அடக்கி ஒடுக்குவதில் அமெரிக்காவும், மேற்கத்திய நாடுகளும் பிரசித்திப் பெற்றவையாகும். அமெரிக்கா ஆதரவு பெற்ற அடக்குமுறை ஆட்சியாளர்களுக்கெதிராகத்தான் தற்போதைய எழுச்சிப் போராட்டங்கள் நடைபெற்று வருகின்றன.

1979-ஆம் ஆண்டில் ஈரானில் அமெரிக்க ஆதரவுப் பெற்ற மன்னர் ஆட்சியை மண்ணைக் கவ்வச் செய்த புரட்சியைத்தான் இன்றைய புரட்சியாளர்கள் முன்மாதிரியாக காண்கிறார்கள் என அஹ்மத் நஜாத் தெரிவித்துள்ளார்.

செய்தி:கூத்தாநல்லூர் முஸ்லீம்ஸ்

கோவை ரத்தின சபாபதிக்கு பதவி உயர்வு - PFI கண்டனம்

கோவை வெடிக்குண்டு நாடக நாயகன் ரத்தின சபாபதிக்கு அரசு பதவி, உயர்வு அளித்தது தொடர்பாக பாப்புலர் ஃப்ரண்ட் ஆஃப் இந்தியாவின் தமிழ் மாநிலத் தலைவர் ஏ.எஸ்.இஸ்மாயில் கண்டனம் தெரிவித்துள்ளார்.

இதுத்தொடர்பாக அவர் வெளியிட்டுள்ள பத்திரிகைச் செய்தி பின்வருமாறு: 'கடந்த 22.06.2007 அன்று கோவையை தகர்க்க சதி என தமிழகத்தையே பீதிக்குள்ளாக்கியவர் ரத்தின சபாபதி. இவர் அப்போதைய உளவுத்துறை உதவி ஆணையாளராக பதவி வகித்தவர். சில பொருள்களை கைப்பற்றியதாகக் கூறி சில முஸ்லிம் இளைஞர்களையும் கைதுச் செய்து அவர்கள் மனித நீதிப் பாசறையைச் சார்ந்தவர்கள் என்று அறிக்கையும் விடுத்தார்.

இவ்வழக்கில் உள்ள போலித் தன்மையை உணர்ந்துக் கொண்ட பொதுமக்கள், மனித உரிமை ஆர்வலர்கள், நடுநிலையாளர்கள் ஆகியோரிடையே எழுந்த நீதிக்கான குரல்கள் எழுந்தன. இதன் விளைவாக அரசு கூடுதல் காவல்துறை கண்காணிப்பாளர் திரு.ஆர்.பாலன் அவர்களுடைய தலைமையில் சி.பி.சி.ஐ.டியின் சிறப்பு புலனாய்வுக் குழு (எஸ்.ஐ.டி) விசாரணை நடத்த உத்தரவிட்டது.

சுமார் ஒருவருடமாக இவ்வழக்கை விசாரித்த எஸ்.ஐ.டி கடந்த 2007-ஆம் ஆண்டு அக்டோபர் மாதம் கோவை ஜூடிஸியல் மாஜிஸ்ட்ரேட் நீதிமன்றத்தில் தனது அறிக்கையை சமர்ப்பித்தது. அதில், "இவ்வழக்கில் கைப்பற்றப்பட்ட வெடிக்குண்டுகள் காவல் துறையினராலேயே பொய்யாக புனையப்பட்டு இவ்வழக்கில் சேர்க்கப்பட்டவை. மேலும் இவ்வழக்கின் ஆவணங்களும் போலியாக தயாரிக்கப்பட்டு புனையப்பட்டுள்ளன. எனவே இது பொய்யாக புனையப்பட்ட வழக்கு என்று கூறி இவ்வழக்கை முடிக்கின்றோம்" என எஸ்.ஐ.டி தனது அறிக்கையில் குறிப்பிட்டிருந்தது.

ஆனால், அறிக்கை சமர்ப்பிக்கப்பட்டு 3 ஆண்டுகள் ஆகியும் அரசு ரத்தினசபாபதி மற்றும் அவருக்கு உடந்தையாக இருந்த அதிகாரிகள் மீது அரசு எவ்வித நடவடிக்கையையும் எடுக்கவில்லை. மாறாக அவருக்கு கோவை மாநகரிலேயே காவல்துறை கண்காணிப்பாளராக பதவி உயர்வு அளிக்கப்பட்டது.

இத்தகைய அரசின் கண்மூடித்தனமான போக்கை கண்டித்தும், ரத்தினசபாபதி மீது வழக்குப்பதிவுச் செய்து தக்க நடவடிக்கை எடுக்கக் கோரியும், பொய்வழக்கு புனையப்பட்டு பாதிக்கப்பட்ட முஸ்லிம் இளைஞர்களுக்கு இழப்பீடு வழங்கக் கோரியும் தமிழகம் முழுவதும் ஆர்பாட்டங்கள், போராட்டங்கள், பிரச்சாரங்கள், கையெழுத்து இயக்கங்களின் வாயிலாக பாப்புலர் ஃப்ரண்ட் ஆஃப் இந்தியா போராடி வருகிறது. மேலும் சென்னை உயர்நீதிமன்றத்தில் ரத்தின சபாபதி மீது வழக்கும் பதிவுச் செய்யப்பட்டுள்ளது.

இந்நிலையிலும், ரத்தின சபாபதிக்கு தமிழ்நாடு அரசுப் பணியாளர் தேர்வாணையத்தில் பதவி அளிக்கப்பட்டுள்ளது கண்டிக்கத்தக்கது. அரசின் இந்த நடவடிக்கைகள் சிறுபான்மையினருக்கு எதிரான போக்கை தெளிவாக உணர்த்துகிறது. பாதிக்கப்பட்டவர்களுக்கு நீதி கிடைக்கும் வரையிலும், அரசின் இந்த கண்மூடித்தனமான போக்கை கண்டித்தும் பாப்புலர் ஃப்ரண்ட் ஆஃப் இந்தியா தொடர்ந்து மக்களை திரட்டி போராடும்.' என அவர் தெரிவித்துள்ளார்.

செய்தி:கூதனல்ல்லூர் முஸ்லீம்ஸ் 

234 தொகுதிகளிலும் பாஜக போட்டி: பொன். ராதாகிருஷ்ணன்

தமிழகத்தில் 234 தொகுதிகளிலும் பாஜக போட்டியிடும் என்று அக்கட்சியின் மாநிலத் தலைவர் பொன். ராதாகிருஷ்ணன் தெரிவித்தார்.

வேலூரில் செவ்வாய்க்கிழமை பாஜக நிர்வாகிகள் கூட்டத்தில் பங்கேற்க வந்த பொன்.ராதாகிருஷ்ணன் செய்தியாளர்களிடம் கூறியது:
"தமிழ்நாட்டில் பாஜக தனிப்பெரும் சக்தியாக வளர்ந்துள்ளது. 234 தொகுதிகளிலும் போட்டியிடுவோம். இதுவரை கூட்டணி குறித்து எந்தக் கட்சியும் எங்களுடன் பேசவில்லை. தமிழகத்தில் அனைத்து எதிர்க்கட்சிகளும் ஒன்றுசேர்ந்து திமுகவை ஆட்சியைவிட்டு அகற்றவேண்டும்.

மதுக்கடைகளை மூட வலியுறுத்தி நாகர்கோவிலில் இம்மாதம் 26-ம் தேதி சிலம்பொலி போராட்டம் நடைபெறும்.

தமிழகத்தில் அவசரக் கோலத்தில் நடக்கவிருந்த மேலவைத் தேர்தல் நிறுத்தப்பட்டது தமிழக பாஜகவுக்கு கிடைத்த வெற்றி. சட்டப்பேரவை, உள்ளாட்சித் தேர்தல் முடிந்த பின்னரே மேலவைக்கு தேர்தல் நடத்தவேண்டும்.

இலங்கைத் தமிழர்கள், தமிழக மீனவர்கள் பிரச்னையில் அரசியல் லாபம் கருதாமல் உழைக்கவேண்டும். தமிழக மீனவர்கள் இலங்கை கடற்படையால் தாக்கப்படுவதற்கு பாஜக தொடர்ந்து தனது எதிர்ப்பை பதிவுசெய்துள்ளது. ஜனவரி 12-ம் தேதி இலங்கை கடற்படையால் சுட்டுக்கொல்லப்பட்ட வீரபாண்டியன் குடும்பத்துக்கு தமிழக பாஜக சார்பில் ரூ.2.லட்சம் வழங்கியுள்ளோம். அவரது சகோதரி ரேவதியின் படிப்புச் செலவை பாஜக ஏற்கும். இலங்கை அரசால் கொடுமையான தாக்குதலுக்கு ஆளாகி, குடும்பம், சொத்துகளை இழந்து தவிக்கும் இலங்கைத் தமிழர்கள் மறுவாழ்வுக்கு பாஜக சார்பில் தமிழகம் முழுவதும் மார்ச் 6-ம் தேதி முதல் 15-ம் தேதிவரை நிதிவசூல் செய்யப்படும்.

சென்னையில் 8-ம் தேதி ஒரே நேரத்தில் 30 இடங்களில் பாஜக பொறுப்பாளர்கள் வீதிவீதியாகச் சென்று நிதி வசூலிப்பார்கள். இந்தப் பணம் முழுவதும் இலங்கைத் தமிழர்களின் மறுவாழ்வுக்கு அனுப்பி வைக்கப்படும் என்றார் அவர்.

செய்தி:கூத்தநல்லூர் முஸ்லீம்ஸ்

அரபு லீக்கிலிரு​ந்து லிபியா நீக்கம்

அரசுக்கெதிராக போராட்டத்தை தொடரும் மக்கள் மீது அடக்குமுறையை கட்டவிழ்த்துவிட்டு கொலை வெறிப்பிடித்து சொந்த நாட்டுமக்களை கத்தாஃபியின் அரசு கொன்றுக் குவித்து வரும் சூழலில் அந்நாட்டை அரபு லீக்கிலிருந்து வெளியேற்றியதாக அரபுலீக்கின் பொதுச்செயலாளர் அம்ரு மூஸாதெரிவித்துள்ளார்.

லிபியாவின் நிலைமைகளை குறித்து ஆராய கூடிய அரபுலீக்கின் ஆலோசனைக் கூட்டத்தில் இத்தீர்மானம் எடுக்கப்பட்டது. இத்தகவலை அல்ஜஸீரா முதன்முதலில் வெளியிட்டுள்ளது.

லிபியாவின் ஏகாதிபத்தியவாதி முஅம்மர் கத்தாஃபி நேற்று தேசியத் தொலைக்காட்சியில் தோன்றி பேட்டியளித்திருந்தார். கடைசிமூச்சு இருக்கும்வரை போராடுவேன். நாட்டைவிட்டு வெளியேறுவதற்கான பேச்சே இல்லை. தேசத்திற்கெதிராக போராடும் கடைசி மனிதன் இருக்கும்வரை கொலைச் செய்வோம் என்ற கத்தாஃபியின் வெறித்தனமான பேட்டி வெளிவந்ததையடுத்து போர் விமானங்கள் மக்கள் மீது குண்டுவீசித் தாக்குதலை நடத்தின.

பதவியை ராஜினாமாச் செய்யமாட்டேன், சொந்த நாட்டு குடிமக்களை கொன்றுக் குவிப்பேன் என கத்தாஃபி தெரிவித்தது எல்லை மீறியச் செயலாகும் என அம்ரு மூஸா தெரிவித்துள்ளார்.

அல்ஜீரியா எழுச்சிப் போராட்டத்தில் மோதல்

அல்ஜீரியா நாட்டின் தலைநகரான அல்ஜீர்ஸில் கல்வி அமைச்சகத்திற்கு வெளியே திரண்ட அரசுக்கெதிராக எழுச்சிப் போராட்டத்தை நடத்திவரும் மக்களும் , போலீசாரும் மோதியதில் ஏராளமானோருக்கு காயமேற்பட்டது.

பேரணி நடத்துவதற்கு தயாரான மாணவர்கள் மீது போலீஸ் தடியடியை மேற்கொண்டது. வேலையில்லாத் திண்டாட்டமும், ஊழலும், அத்தியாவசியப் பொருட்களின் விலையும் பெருமளவில் அதிகரித்த சூழலில் அதிபர் அப்துல் அஸீஸ் போட்ஃப்ளிக்கா பதவி விலகக்கோரி அந்நாட்டு மக்கள் எழுச்சிப் போராட்டத்தை நடத்திவருகின்றனர்.

மாணவர்கள் அழைப்பு விடுத்த பேரணி துவங்குவதற்கு சில மணிநேரங்களுக்கு முன்பு போலீஸ் சாலையில் தடையை ஏற்படுத்தியிருந்தது. அதேவேளையில், துனீஷியா மற்றும் எகிப்தைப்போல பெரும் மக்கள் திரள் போராட்டத்திற்கு வாய்ப்பில்லை என அரசியல் நோக்கர்கள் கருதுகின்றனர்.

முக்கிய எதிர்கட்சி இதுவரை போராட்டத்தில் பங்குபெறவில்லை என அல்ஜீரியன் முஸ்லிம் ஸ்கவுட் எம்.பி நூறுத்தீன் பின் பிரஹாம் கூறினார்.

எஸ்.டி.பி.ஐ யின் மண்டல மாநாடு!! மற்றும் தீர்மானங்கள்!!

சென்னை,பிப்.21:அரசியலை நமதாக்குவோம்! தேசத்தைப் பொதுவாக்குவோம்! எனும் மாபெரும் முழக்கத்துடன் சென்னை இராயப்பேட்டை YMCA வளாகத்தில் சோஷியல் டெமாக்ரடிக் பார்ட்டி ஆஃப் இந்தியாவின் சென்னை மண்டல மாநாட்டை காலை 9 மணியளவில் மாநிலத் தலைவர் தெஹ்லான் கொடியேற்றி துவக்கி வைத்தார். பிற்பகல் 2.45 மணியளவில் சென்னை எழும்பூர் ராஜரத்தினம் ஸ்டேடியம் முன்பு எழுச்சிப் பேரணி துவங்கியது. பேரணியை எஸ்.டி.பி.ஐ.யின் அகில இந்தியத் தலைவர் இ.அபுபக்கர் அவர்கள் கொடியசைத்து துவக்கி வைத்தார். அகில இந்திய மீனவர் சங்க தலைவர் அண்டன் கோமஸ், எஸ்.டி.பி.ஐ. கர்நாடக மாநில துணைத் தலைவர் பேரா.நாஸ்னி பேகம், நேஷனல் உமன்ஸ் ஃப்ரண்டின் துணைத் தலைவர் பாத்திமா ஆலிமா, தேசிய சிறுபான்மை மக்கள் இயக்கத்தின் தலைவர் அருள்தாஸ், பாப்புலர் ஃப்ரண்டின் தமிழ்நாடு மாநில தலைவர் ஏ.எஸ்.இஸ்மாயீல்,

மாநாட்டில் கீழ்கண்ட தீர்மானங்கள் நிறைவேற்றப்பட்டன:
1. நாடு முழுவதும் 2003 முதல் தொடர்ந்து நடந்த 10க்கும் மேற்பட்ட தொடர் குண்டு வெடிப்புகளில் சம்பந்தப்பட்ட பயங்கரவாதிகள் யார் என்பது தற்போது அம்பலமயுள்ளது. குண்டுவெடிப்பு வழக்குகளை துரிதப்படுத்தியும் சம்பந்தப்பட்ட தீவிரவாதிகள் உடனே கைது செய்யப்பட வேண்டும். மேலும் முன்னதாக கைது செய்யப்பட்ட அப்பாவி (மக்களை) உடனே விடுதலை செய்ய வேண்டும்.

2. சமீபத்தில் வெளியாகிய ஸ்பெக்ட்ரம் ஊழல் வழக்கில் சம்பந்தப்பட்டவ்ர்கள் மீது எடுக்கப்பட்ட கைது நடவடிக்கை போல், காமன்வெல்த் ஊழல் புகழ் கல்மாடி, ஆதர்ஸ் ஊழல் அசோக் சவான், நில மோசடி ஊழல் கர்நாடக எடியூரப்பா போன்றவர்களும் கைது செய்யப்பட்டு சிறையில் அடைக்கப்பட வேண்டும். நீதி செலுத்தும் விஷயத்தில் எந்தப் பாகுபாடும் காட்டாமல் குற்றவாளிகள் உடனே தண்டிக்கப்பட வேண்டும்.

3. தமிழ்நாட்டில் முஸ்லிம்களுக்கான 3.5 சதவீதமான இடஒதுக்கீட்டை 5 சதவீதமாக உயர்த்தி தருவதை தன்னுடைய தேர்தல் வாக்குறுதியாக அரசியல் கட்சிகள் வரும் தேர்தல் அறிக்கையில் இடம் பெற்று செயல்படுத்த வேண்டும்.

4. வக்ஃப் சொத்துக்கள் பல இடங்களில் சமூக விரோத சக்திகளால் அபகரிக்கப்பட்டு ஆக்கிரமிக்கப்பட்டுள்ளது. உடனடியாக அரசு தலையிட்டு அத்தனை வக்ஃப் சொத்துக்களையும் மீட்டெடுத்து நல்ல விஷயங்களுக்கு பயன்பட ஆவன செய்ய வேண்டும்.

5. தமிழக மீனவர்களை தொடர்ந்து படுகொலை செய்தும், சிறைப்பிடித்தும் வரும் இலங்கை ராணுவத்தினரின் அராஜகப் போக்கை வன்மையாக கண்டிக்கிறோம். இந்நிலை தொடர்ந்து கொண்டிருப்பது மிகவும் வேதனையளிக்கிறது. மத்திய அரசு மெத்தனப் போக்கை கடைப்பிடிக்காமல் உடனே தலையிட்டு தமிழக மீனவர்கள் நிம்மதியாக வாழ வழிவகை செய்ய வேண்டும்.

6. சமீப காலமாக தொடரும் தேர்தல் கால பணப் பட்டுவாடா நிலைகளும், ஓட்டுக்குப் பணம் என்கிற மோசமான செயல்பாடுகளை தேர்தல் ஆணையம் உடனே தலையிட்டு சரி செய்ய வேண்டும். ஜனநாயகம் கேலிக் கூத்தாக்கப்படுவதைத் தடுத்து நிறுத்தி அனைத்து சமூக மக்களின் வாக்குரிமையை நிலை நிறுத்த தேர்தல் ஆணையம் ஆவண செய்ய வேண்டும்.

7. முஸ்லிம்களுக்கும், ஹிந்துக்களுக்கும் மத துவேஷத்தை ஏற்படுத்தும் விதத்தில் ரத யாத்திரை நடத்தி வரும் பா.ஜ.க.வை வன்மையாக கண்டிக்கிறோம். ஏற்கனவே, மத்திய, மாநில அரசு நிதி உதவியில் அதிகமா கல்வி கற்பவர்கள் தாழ்த்தப்பட்ட, பழங்குடியின - பிற்படுத்தப்பட்ட சமூக மாணவர்கள். ஹிந்து சமூக மாணவர்களே அதிகம் சலுகைகளைப் பெற்று வருகின்றார்கள். இச்சூழலில் மாணவர்கள் மத்தியில் மத துவேஷத்தை ஏற்படுத்திட பா.ஜ.க. நடத்தும் ரத யாத்திரை மற்றும் பொது நிகழ்ச்சிகளை தமிழக அரசு தடுத்து நிறுத்தி நடவடிக்கை எடுக்க வேண்டும் எனக் கேட்டுக் கொள்கிறோம்.

8. வரும் காலங்களில் முஸ்லிம்களின் பிரதிநிதித்துவத்திற்கேற்ப குறைந்த பட்சம் 10 தொகுதிகளை ஒதுக்கீடு செய்ய வேண்டும் என அனைத்து அரசியல் கட்சிகளுக்கும் எஸ்.டி.பி.ஐ. வேண்டுகோள் விடுக்கிறது.

9. சமூகத்தைப் பிளவுபடுத்தி வரும் சமூக விவாத கும்பல்களோடு சமீபத்தில் கடையநல்லூர், ஏர்வாடி பகுதி காவல்துறையினரும் கைகோர்த்து நடத்தி வரும் அராஜகப் போக்கை வன்மையாக கண்டிக்கிறோம். எஸ்.டி.பி.ஐ. நெல்லை மாவட்ட பொதுச்செயலாளர் மீது பொய் வழக்கு பதிவு செய்த காவல் துறையினர் மீதும், பள்ளிவாசலில் அத்துமீறி நுழைந்து அராஜகம் செய்த சமூக விரோத கும்பல் மீதும் மாநில அரசு உடனடியாக நடவடிக்கை எடுக்க வேண்டும் என எஸ்.டி.பி.ஐ. வலியுறுத்துகிறது.

10. நலிந்து வரும் உருது மொழியை பாதுகாத்திடாமல் சமச்சீர் கல்வித் திட்டத்தின் மூலம் உருது மொழியை தமிழக அரசு மேலும் நலிவடையச் செய்திருக்கிறது. இந்நிலையை மாற்றி உருது மொழியை பாதுகாக்க தமிழக அரசு உறுதியான நடவடிக்கை எடுக்க வேண்டும் என எஸ்.டி.பி.ஐ. கேட்டுக் கொள்கிறது.

11. நலிவடைந்த நிலையில் வாழ்ந்து வரும் மீனவர்களின் வாழ்க்கை நிலையை கேள்விக்குறியாக்கும் கடல் அட்டை மீன் மீதான தடையை மத்திய அரசு விலக்கக் கோரியும் மீனவர்கள் மீது தொடரப்படும் வழக்குகளை மறுபரிசீலனை செய்து அவர்கள் வாழ்க்கைக்கு உதவிட மத்திய அரசை எஸ்.டி.பி.ஐ. கேட்டுக் கொள்கிறது. போன்ற தீர்மானங்கள் மாநாட்டில் நிறைவேற்றப்பட்டன.

கலீஃபா உமர் வரலாற்றை தமிழில் மொழிபெயர்த்தவருக்கு சாகித்ய அகாடமி விருது

தூரநாடு ஹனீப் என்பவர், மலையாளத்தில்  உமர் கலீபாவின் வாழ்க்கை வரலாற்றினை ஒரு நாவல் வடிவில் எழுதிப் பிரபலம் பெற்றிருந்தார். அந்த  நாவலை "செங்கோல் இல்லாமல், கிரீடம் இல்லாமல்' என்ற பெயரில் தமிழில் மொழி பெயர்த்திருந்தார் நிர்மால்யா (பரிசுத்தம்)  என்னும் ஒரு புதுமுகத் தமிழ் எழுத்தாளர் . அதற்காக அந்த மொழி பெயர்ப்பாளருக்கு  சிறந்த மொழி பெயர்ப்புக்கான சாகித்ய அகாடமி  விருது அறிவிக்கப்பட்டுள்ளது.

புதுமுக எழுத்தாளர் நிர்மால்யாவின் இயற்பெயர் மணி என்பதாகும். கேரளாவைப் பூர்வீகமாகக் கொண்டவர்.  ஊட்டியில் எழுதுபொருள் விற்பனை கடை வைத்திருக்கும் மணியின் சிந்தையில் எழுதுபொருளாக முஸ்லிம்களின் இரண்டாம் கலீபாவுடைய வாழ்க்கை இடம்பிடித்தது வியப்பிற்குரியதே.

மணி என்கிற எழுத்தாளர் நிமால்யா இதுவரை 11 மலையாள நாவல்களைத் தமிழில் மொழிபெயர்த்து அளித்துள்ளார்.

நீலகிரியைச் சேர்ந்த ஓர் இலக்கியவாதிக்கு சாகித்ய விருது கிடைப்பது இதுவே முதன் முறை. நிர்மால்யா என்கிற மணி கூறுகையில், ""தேசிய அளவிலான இலக்கிய தளத்தில் எனது எழுத்துக்கும் அங்கீகாரம் கிடைத்திருப்பதில் மிக்க மகிழ்ச்சி; கலை, இலக்கிய உணர்வு அற்றுப்போன நீலகிரி மண்ணில் இருக்கும் எனக்கு கிடைத்திருக்கும் இந்த விருது, இங்குள்ள இளைஞர்கள மத்தியில் இலக்கிய தாகத்தை ஏற்படுத்தினால் இன்னும் மகிழ்ச்சியடைவேன்,'' என்றார்.

நீலகிரிக்கு அடுத்துள்ள கோவையைச் சேர்ந்த கவிஞர்கள் புவியரசு, சிற்பி ஆகியோர் ஏற்கனவே, சிறந்த மொழி பெயர்ப்பு மற்றும் படைப்பிலக்கியங்களுக்காக தலா 2 முறை சாகித்ய அகாடமி  விருதுகளைப் பெற்றுள்ளனர்.

செய்தி:இந்நேரம் 

அமெரிக்கா-தாலிபான் ரகசிய பேச்சுவார்த்தை துவங்கியது

நியூயார்க்,பிப்.20:தாலிபான் மூத்த தலைவர்களுடனான அமெரிக்காவின் நேரடி பேச்சுவார்த்தை துவங்கியதாக செய்திகள் கூறுகின்றன.

ஆப்கான் பிரச்சனைக்கு அரசியல் தீர்வுதான் சரியானது என அமெரிக்க வெளியுறவுத்துறை செயலர் ஹிலாரி கிளிண்டன் நேற்று முன்தினம் தெரிவித்தது இதனடிப்படையிலாகும்.

ஒபாமா அரசு தாலிபான்களுடன் நேரடியாக பேச்சுவார்த்தையை துவக்கியுள்ளதாக 'நியூயார்க்கர்' மாத இதழ் கூறியுள்ளது. புலிஸ்டர் விருதுப்பெற்ற ஸ்டீவ் கால் தனது பக்கத்தில் இத்தகவலை வெளியிட்டார்.

ஆப்கானில் அமைதியை மீண்டும் உருவாக்குவதில் தயாராகும் தலைவர்கள் யார்? அவர்களின் நிபந்தனைகள் என்ன? என்பதை புரிந்துகொள்வதுதான் அமெரிக்காவின் நோக்கம். ஹிலாரியின் ஏசியா சொசைட்டியின் உரையும் இதனடிப்படையிலானதாகும்.

ஆப்கானில் அமெரிக்க ராணுவத்தின் எண்ணிக்கை அதிகரிப்பதன் நோக்கம் தாலிபானை பலகீனப்படுத்தவும், அல்காயிதாவிலிருந்து தாலிபானை அப்புறப்படுத்துவதற்குமாகும் என ஹிலாரி கூறுகிறார்.

அல்காயிதாவுடனான உறவை தாலிபான் முறிக்காதவரை அதன் கடுமையான பதிலடியை அவ்வமைப்பு சந்திக்க தயாராக வேண்டுமென ஹிலாரி மிரட்டல் விடுத்துள்ளார்.

தாக்குதல் பாதையை விட்டு மாறி, ஆப்கானின் அரசியல் சட்டத்தை மதித்து நடக்க தயாரானால் தாலிபானுக்கு சமூகத்தின் தேசிய நீரோட்டத்தில் இடம் கிடைக்கும் என ஹிலாரி தெரிவித்துள்ளார்.
செய்தி:பாலைவனதூது 

அப்பாவிகளை விடுதலை செய் குண்டுவெடிப்பு குற்றவாளிகளை சிறையிலிடு

SDPI-ன் தேசிய அளவிலான பிரச்சாரம் பிப்ரவரி 20 முதல் மார்ச் 27 2011 பிரச்சார துவக்கவிழா கருத்தரங்கம் 20 பிப்ரவரி 2011.

  

 கடந்த பல வருடங்களாக நம் நாட்டின் ஸ்திரத்தன்மைக்கு பெரும் சவாலாக இருந்து வந்த தீவிரவாத தாக்குதல்கள், குண்டுவெடிப்புகள் போன்றவற்றிற்கு ஆர். எஸ். எஸ். மற்றும் அதன் துணை அமைப்புகள் தான் காரணம் என்பதனை சமீபத்தில் நடைபெற்ற குண்டுவெடிப்பு விசாரணைகளின் மூலம் புலனாய்வு அமைப்புகள் அம்பலப்படுத்தியது. இது ஒட்டு மொத்த இந்தியாவையும் அதிர்ச்சிக்குள்ளாக்கியது. இச்சூழலில் நாட்டின் நலன் மற்றும் பாதுகாப்பு கருதி இந்த ஆபத்தான தீவிரவாத சக்திகளை தடுப்பது இன்றியமையாததாகும். குண்டுவெடிப்புகளின் பின்ணனியில் உள்ள உண்மை குற்றவாளிகள் கண்டுபிடிக்கப்பட்ட பின்பும் கூட, தவறுதலாக கைது செய்யப்பட்ட முஸ்லிம்களை விடுதலை செய்யாமலும், இன்னும் ஒரு படி மேலே போய் அவர்களின் ஜாமின் மனுக்களை காங்கிரஸ் மற்றும் மாநில அரசுகள் நிராகரித்து வருகிறது.

இதனை முன்னிறுத்தி எவ்வித ஆதாரமுமின்றி, அடிப்படையுமின்றி குண்டுவெடிப்பு வழக்குகளில் கைது செய்யப்பட்டு இன்றும் சிறையில் வாடிக் கொண்டிருக்கும் அப்பாவிகளை விடுதலை செய்யக் கோரியும், அதே சமயம் குண்டுவெடிப்புகளை நிகழ்த்தியவர்கள் என புலனாய்வு அமைப்புகளால் கண்டறியப்பட்ட ஃபாஸிஸ பயங்கரவாதிகளை சிறையிலடைக்கக்கோரியும் 2011 ஆண்டின் பிப்ரவரி 20 முதல் மார்ச் 27 வரை சோஷியல் டெமாக்ரடிக் பார்ட்டி ஆஃப் இந்தியாவின் சார்பாக தேசிய அளவிலான பிரச்சாரம் நாடு முழுவதும் நடத்தப்பட உள்ளது.

தேசிய அளவிலான இப்பிரச்சாரத்தின் துவக்கமாக 20, பிப்ரவரி, 2011 அன்று சென்னையில் அமைந்துள்ள தமிழக புதிய சட்டமன்றம் அருகில் உள்ள அண்ணா ஆடிட்டோரியத்தில் பிரச்சார துவக்கவிழா கருத்தரங்கம் எஸ் டி பி ஐ சார்பாக நடத்தப்பட்டது.

சரியாக காலை 10.30 மணிக்கு தொடங்கிய இக்கருத்தரங்கத்திற்கு SDPIன் அகில இந்திய தலைவர் இ. அபுபக்கர் அவர்கள் தலைமை தாங்கினார். சிறப்பு விருந்தினர்களாக SDPIன் அகில இந்தியத் துணைத் தலைவர் வழக்கறிஞர் ஷாஹித் ஹீஸைன் சித்தீகி , பாப்புலர் ஃப்ரண்ட் ஆஃப் இந்தியாவின் தேசிய துணைத் தலைவர் எம். முஹம்மது அலி ஜின்னா, NCHRO-ன் மாநில தலைவர் வழக்கறிஞர் ப. பா. மோகன், PUHR தலைவர் பேரா. அ. மார்க்ஸ், SDPIன் தமிழ்நாடு மாநில தலைவர் KKSM. தெஹ்லான் பாகவி, SDPIன் மாநில பொருளாளர் ஏ. அம்ஜத் பாஷா ஆகியோர் கலந்து கொண்டனர்.

SDPIன் அகில இந்திய பொதுச்செயலாளர் முஹம்மது உமர் கான் அவர்கள் அங்கு குழுமியிருந்த பெருந்திரளான மக்கள் கூட்டத்தினை வரவேற்று உரை நிகழ்த்தினார். பின்னர் தலைமையுரையாற்றிய SDPIன் அகில இந்திய தலைவர் இ. அபுபக்கர் அவர்கள் தனது உரையில் சோஷியல் டெமாக்ரடிக் பார்ட்டி ஆஃப் இந்தியா இந்த சென்னை மாநகரத்திலிருந்து அடுத்த ஒரு மாதத்திற்கான தேசிய அளவிலான பிரச்சாரத்தை துவங்குகிறது. அழிந்து போகும் நிலையிலிருக்கும் நம் நாட்டினை அழிவிலிருந்து காப்பாற்றி மீண்டும் அதன் உண்மையான பொதுவுடைமை மற்றும் ஜனநாயகத்தின் பக்கம் கொண்டுவருவதற்கான ஒரு சீரிய முயற்சியே இப்பிரச்சாரமாகும் நம் நாட்டினை கொஞ்சம் கொஞ்சமாக விழுங்கிக் கொண்டிருக்கும் ஊழல் மற்றும் வகுப்புவாதம் குறித்த மாபெரும் விழிப்புணர்வு பிரச்சாரம் நம் நாட்டு மக்களிடையே இன்றிலிருந்து இந்தியா முழுவதும் SDPI ன் சார்பாக நடத்தப்படும்.

2ஜி ஸ்பெக்ட்ரம் என்ற பெயரில் 1,76,379 கோடி ரூபாய் மதிப்புள்ள ஊழலை தொலைதொடர்பு துறையும், S-Band என்ற பெயரில் 2 லட்சம் கோடிரூபாய் மதிப்புள்ள ஊழலை Space Research Department என்ற அரசுத்துறையும் நாட்டு மக்களின் வரிப்பணத்திலிருந்து கொள்ளையடித்தது. அரசும் பல தனியார் நிறுவனங்களும் இணைந்து செயல்படுவதே தொலைத்தொடர்பு துறையõகும். ஆனால் Space Research Department என்பது பெரும்பான்மையாக உயர்ஜாதி இந்துக்களால் ஆக்கிரமிக்கப்பட்டுள்ளது. இதனால் தான் 2ஜி ஸ்பெக்ட்ரம் ஊழல் பகிரங்கபடுத்தப்பட்ட அளவிற்கு S-Band ஊழல் பகிரங்கப்படுத்தப்படவில்லை. ஊழல் என்றால் ஊழல் தான். அது திராவிட அரசியல்வாதிகள், அமைச்சர்கள் செய்தாலும் சரி அல்லது பார்ப்பன விஞ்ஞானிகள், அதிகாரிகள் செய்தாலும் சரி. ஆக பிரதான ஊடகங்களில் நிலவும் இரட்டை நிலையையே இது நமக்கு உணர்த்துகிறது.

அதுமட்டுமின்றி உயர்ஜாதி வகுப்பினர் நிறைந்திருக்கும் ஆர்.எஸ்.எஸ். அதன் துணை அமைப்புகளும் தீவிரவாத தாக்குதல்கள் மற்றும் குண்டுவெடிப்புகளை முஸ்லிம்களின் பெயரில் நிகழ்த்தி விட்டு அதன் மூலம் வெகுஜன இந்துக்களுக்கும், முஸ்லிம்களுக்கும் இடையே வெறுப்பு உணர்வை தூண்டிவிடுக்கின்றனர். எனவே வெகுஜன இந்துக்கள் உயர் ஜாதியினரின் இந்த சுழ்ச்சிகளை உணர்ந்து ஊழல் மற்றும் பாசிச இந்துத்துவத்திற்கு எதிராக எஸ்.டி.பி.ஐ. உடன் ஒன்றினைந்து போராட வேண்டும் என்று குறிப்பிட்டார்.

பின்னர் சிறப்புரையாற்றிய பாப்புலர் ஃப்ரண்ட் ஆஃப் இந்தியாவின் தேசிய துணைத் தலைவர் எம். முஹம்மது அலி ஜின்னா அவர்கள் தனது உரையில் பாசிஸ சங்பாரிவாரங்களும் அதனோடு ஒட்டி உறவாடும் சில ஊடகங்களும் அரங்கேற்றிய பயங்கரவாதத்தால் நாட்டில் ஒரு நிலை ஏற்பட்டது. அதாவது "கொல்லப்படுவது முஸ்லிம்கள் குற்றம் சாட்டப்படுவதும் முஸ்லிம்கள் சித்ரவதை கைது செய்யப்படுவதும் முஸ்லிம்கள்" என்ற நிலையே அது. ஆனால் இன்று அந்த பொய்கள் தவிடு பொடி ஆக்கப்பட்டது. தீவிரவாத தாக்குதல்களை நடத்தியவர்களிலிருந்து குண்டு வெடிப்புகளை நடத்தியவர்கள் வரை அனைவருமே சங்பரிவார பாசிஸவாதிகளே என்பது தெளிவானது.

இன்னும் சொல்லப் போனால் ஒரு முஸ்லிம் இளைஞன் அனுபவித்த சித்ரவதையினை காதால் கேட்டதனால் மட்டும் இந்துத்துவவாதியான அசீமானந்தா புனிதராக மாறியிருக்கிறார். ஆனால் அசீமானந்தா மட்டும் மாறி பயனில்லை. இந்த நாட்டினுடைய ஆன்மா மாற வேண்டும். மேலும் நான் ஒன்றை மட்டும் உறுதியான கூறுகிறேன். அதாவது இந்து மதம் வேறு, இந்துத்துவா என்பது வேறு. இந்து மதம் என்பது ஒரு ஆன்மீக வழிபாட்டு முறை. இந்துமதத்திற்கு நாம் ஒரு போதும் எதிரியல்ல. இந்து மத நண்பர்கள் என்றென்றும் நம் சகோதரர்களே. ஆனால் இந்துத்துவ என்பது அழிக்கப்பட வேண்டிய வெறிபிடித்த பாசிச மிருகம். எனவே, ஆர்.எஸ்.எஸ். ஸின் இந்துத்துவ குற்றவாளிகள் தண்டிக்கப்பட வேண்டும். அப்பாவி முஸ்லிம்கள் உடனே விடுதலை செய்யப்பட வேண்டும். சித்ரவதைக்குள்ளாக்கப்பட்ட முஸ்லிம்களுக்கு தக்க நஷ்டஈடு வழங்க வேண்டும்.

எனவே நாம் ஒன்று படுவோம்! பாசித்தை தோற்கடிப்போம்! தேசத்தை பாதுகாப்போம் என்று குறிப்பிட்டார்.

இறுதியாக SDPI-ன் அகில இந்திய செயலாளர் சி. ஆர். இம்தியாஸ் அவர்கள் நன்றியுரை ஆற்றினார்.
செய்தி:கூத்தநல்லூர் முஸ்லீம்ஸ்

SDPI-ன் சென்னை மண்டல மாநாடு தொடக்கம்

அரசியலை நமதாக்குவோம் தேசத்தை பொதுவாக்குவோம் என்ற முழக்கத்துடன் 20-02-2011 ஞாயிரன்று காலை 9 மணியளவில் சென்னை ராயபேட்டை அரசு மருத்துவமனை எதிரில் காயிதே மில்லத் திடலில் (ஒய்எம்சிஏ மைதானம்) கொடியேற்றத்துடன் சென்னை மண்டல மாநாடு துவங்கவிருக்கிறது.

மாநில தலைவர் கேகேஎஸ்எம் தெஹ்லான் பாகவி கொடியேற்றி வைக்கிறார். காலை 10:30 மணியளவில் புதிய சட்ட மன்றம் அருகிலுள்ள அண்ணா ஆடிடோரியத்தில் அப்பாவிகளை விடுதலை செய் குண்டுவெடிப்பு குற்றவாளிகளை சிறையிலிடு என்ற எஸ்டிபிஐ யின் தேசிய அளவிலான பிரசார துவக்க விழா கருத்தரங்கம் நடைபெறுகிறது.

இக்கருத்தரங்கில் எஸ்டிபிஐ அகில இந்திய தலைவர் இ அபுபக்கர் அவர்கள் தலைமை தாங்குகிறார். முஹம்மது உமர் கான் வரவேற்புரை நிகழ்த்த பாப்புலர் ஃப்ரண்ட் துணைத்தலைவர் முஹம்மது அலி ஜின்னா , அட்வகேட் ஷாஜித் ஹுஸைன் சித்தீகி , ப.பா. மோகன் , பேராசிரியர் அ.மார்க்ஸ், அம்ஜத் பாஷா மற்றும் எஸ்டிபிஐ மாநில தலைவர் தெஹ்லான் பாகவி உட்பட பல தேசிய மற்றும் மாநில தலைவர்கள் சிறப்புரையாற்றுகின்றனர்.

பிற்பகல் 2:45 மணியளவில் சென்னை ராஜரத்தினம் ஸ்டேடியத்தில் எஸ்டிபிஐ அகில இந்திய தலைவர் இ அபுபக்கர் அவர்கள் எழுச்சிப் பேரணியை கொடியசைத்து துவக்கி வைக்கிறார். பின்னர் மாலை 5 மணிக்கு காயிதே மில்லத் திடலில் மாபெரும் பொதுக்கூட்டம் நடைபெறவுள்ளது. அப்பொதுக்கூட்டத்தில் தேசிய தலைவர் இ அபுபக்கர் மாநில தலைவர் தெஹ்லான் பாகவி, பாப்புலர் ஃப்ரண்ட் மாநில தலைவர் ஏஎஸ் இஸ்மாயில் , அகில இந்திய மீனவ சங்கதலைவர் அண்டன் கோமஸ் , தேசிய சிறுபான்மை மக்கள் இயக்க தமிழ் மாநில தலைவர் அருள்தாஸ், எஸ்டிபிஐ கேரள மாநில பொதுச்செயலாளர் எம் கே மனோஜ் குமார், நேஷனல் விமன்ஸ் ஃப்ரண்ட் மாநில துணை தலைவர் சகோதரி ஏ. ஃபாத்திமா ஆலிமா எஸ்டிபிஐ கர்நாடகா மாநில துணைத்தலைவர் பேராசிரியர் நாஸ்னீன் பேகம் மற்றும் எஸ்டிபிஐ மாநில பொதுச்செயலாளர் ஆகியோர் சிறப்புரையாற்றுகின்றனர்.

SDPI வலைதளத்தில் அனைத்து நிகழ்ச்சிகளும் நேரடி ஒளிபரப்பு செய்யப்படும்.

குண்டுவைக்க முயன்றபோது காயமடைந்த RSS பயங்கரவாதி

வீட்டிற்குள் குண்டுவைக்க முயன்றபோது குண்டுவெடித்துச் சிதறியதில் ஆர்.எஸ்.எஸ் உறுப்பினர் ஒருவர் கடுமையாக காயமடைந்தார்.

கேரள மாநிலம் கொல்லம் மாவட்டம் கேரள புரம் என்ற இடத்தில் பட்டாணி முக்கு என்ற பகுதியில் உள்ள சிந்து என்பவரின் வீட்டின் மேல் மாடியில் குண்டுவைக்க முயற்சி செய்த பொழுதுதான் இச்சம்பவம் நிகழ்ந்தது.

குண்டுவெடித்ததில் அந்த வீடும், அண்டை வீடும் சேதமடைந்தன. வெடிக்காமல் கிடந்த ஒரு குண்டு மதப் பிரச்சார தொடர் நிகழ்ச்சி தொடர்பான நோட்டீஸால் பொதிந்து வைக்கப்பட்டிருந்தது.

இப்பிரதேசத்தில் மத வன்முறையை உருவாக்குவதற்கான திட்டம் இது என அவ்வூர் மக்கள் குற்றஞ்சாட்டுகின்றனர். ஊர்மக்கள் போலீசாருக்கு தகவல் கொடுத்த பொழுதிலும், வாகனம் இல்லை எனக்கூறி அலட்சியப்படுத்தியுள்ளது போலீஸ். பின்னர் ஊர்மக்களே இந்நபரை வாகனத்தில் அழைத்துச்சென்று போலீஸ் நிலையத்தில் ஒப்படைத்தனர். பின்னர் அவர் மருத்துவமனையில் அனுமதிக்கப்பட்டார்.

செய்தி:கூதனால்லு முஸ்லீம்ஸ்

பாகிஸ்தான் அடுத்த எகிப்தாக மாறும் - இம்ரான் கான்

மேற்காசியா மற்றும் ஆப்பிரிக்க நாடுகளில் கிளர்ந்தெழுந்துள்ள மக்கள் எழுச்சி போராட்டங்கள் ஜனநாயகத்தை கசாப்புச் செய்யும் ஆட்சியாளர்களுக்கு ஒரு பாடமாக அமையும் என முன்னாள் பாகிஸ்தான் கிரிக்கெட் வீரர் இம்ரான்கான் தெரிவித்துள்ளார்.

இத்தகைய எழுச்சிப் போராட்டங்கள் தனது நாடான பாகிஸ்தானிலும் ஏற்பட வாய்ப்புகள் உள்ளதாக தெஹ்ரீக்-இ-இன்ஸாப் கட்சியின் தலைவருமான இம்ரான்கான் தெரிவித்தார்.

பாகிஸ்தான் நிலைமை மிக மோசமானதாக உள்ளது. ஒரே நேரத்தில் நல்லதும், கெட்டதுமான காலக்கட்டத்தில்தான் எனது நாடு கடந்து செல்கிறது என இம்ரான்கான் ஆதங்கத்தோடு கூறுகிறார்.

அரசியலில் பிடிப்புள்ளவர்கள்தான் மக்கள். பத்திரிகைகளும் வலுவாகத்தான் உள்ளன. ஆனால், அரசோ யாருக்கோ வேண்டி கைப்பாவையாக விளையாடிக் கொண்டிருக்கிறது. சொந்த நாட்டுக் குடிமக்களை துப்பாக்கிக்கு பலியாக்குகின்றது. எல்லைமீறிய ராணுவ நடவடிக்கைகள் மூலமாக பாக்.தாலிபான் உருவாகியுள்ளது என தெரிவித்த இம்ரான்கான், பாகிஸ்தானில் மக்கள் எழுச்சிப்போராட்டம் வெடித்துக் கிளம்பினால் தான் எழுச்சிப் போராட்டத்தில் ஈடுபடும் மக்களின் பக்கம் நிற்கப்போவதாக தெரிவித்துள்ளார்.

செய்தி.

செய்தி:கூதனல்லு முஸ்லீம்ஸ் 

ஈரானில் அரசுக்கு ஆதரவாக பிரம்மாண்ட பேரணி

ஈரான் தலைநகர் டெஹ்ரானில் அரசுக்கு ஆதரவான பிரம்மாண்டப் பேரணி நேற்று ஜும்ஆ தொழுகைக்கு பிறகு நடைபெற்றது.

ஈரானில் உள்நாட்டு கலகத்திற்கு வழிவகுக்கும் எதிர்க்கட்சித் தலைவர்களான மீர் ஹுஸைன் மூஸாவி, மெஹ்தி கதூபி ஆகியோரை விசாரணைச் செய்ய வேண்டுமென பேரணியில் கலந்துக் கொண்டோர் வலியுறுத்தினர். இவர்கள்தாம் மக்களை கிளர்ச்சிக்கு தூண்டி விடுகின்றனர் என பேரணியில் குற்றஞ்சாட்டப்பட்டது.

வீட்டுக்காவலிருக்கும் மூஸாவிக்கும், கதூபிக்கும் கூடுதல் கட்டுப்பாடுகள் விதிக்க வேண்டுமென ஜும்ஆ தொழுகைக்கு தலைமை வகித்த ஆயத்துல்லாஹ் ஜன்னத்தி வலியுறுத்தினார்.

செய்தி:கூத்தநல்லூர் முஸ்லீம்ஸ் 

ஏகாதிபத்திய ஆட்சியாளர்களை எவ்வாறு எதிர்கொள்வது - ஜீன் ஷார்ப்

துனீசியாவிலிருந்து புறப்பட்ட மக்கள் எழுச்சி அரபுலகத்தை ஆட்டிப் படைக்கிறது. இவ்வேளையில் மக்கள் புரட்சிக்குத் தூண்டுகோலாக அமைந்தது எது? என்பதுக் குறித்து பலத்த விவாதம் நடைப்பெற்று வருகிறது.

இவ்வேளையில் மக்கள் எழுச்சிக்கு உரிமைக் கொண்டாட நியூயார்க் டைம்ஸ் உள்ளிட்ட மேற்கத்திய பத்திரிகைகள் ஜீன் ஷார்ப்பை முன்னிறுத்தியுள்ளன.

யார் இந்த ஜீன் ஷார்ப்?
83 வயது பேராசிரியர். தற்போது போஸ்டனில் தனது சிறிய வீட்டில் ஐன்ஸ்டைன் இன்ஸ்ட்யூட் என்றதொரு நிறுவனத்தை நடத்திவருகிறார். ஏகாதிபத்தியவாதிகளை எவ்வாறு எதிர்கொள்வது? என்பதுதான் ஷார்ப்பின் பிரதான ஆராய்ச்சி.

ஏகாதிபத்தியவாதிகளை மிகவும் பலனளிக்கும் வகையில் எதிர்கொள்ள மக்கள் தங்களின் பயத்தை கைவிட வேண்டும் என ஷார்ப் கூறுகிறார். தங்கள் வசமிருக்கும் ஆயுத பலம்தான் ஏகாதிபத்தியவாதிகளை நிலைக்கொள்ள வைக்கிறது. பயம் மக்களை விட்டு அகன்றுவிட்டால் ஏகாதிபத்தியவாதிகளின் நிலைமை பரிதாபகரமானது என்கிறார் ஜீன் ஷார்ப்.

இவர் சில கையடக்க புத்தகங்களையும் எழுதியுள்ளார். அதில் பிரபலமானது 93 பக்கங்களைக் கொண்ட 'ஃப்ரம் டிக்டேட்டர் ஷிப் டூ டெமோக்ரெஸி' என்ற நூலாகும். உலகின் பல மொழிகளில் மொழிமாற்றம் செய்யப்பட்டுள்ள இந்நூல் போராட்டக் களங்களில் எவ்வாறு எதிர்ப்பை வலுப்படுத்தலாம் என்பதில் செயல்ரீதியான வழிமுறைகளைக் குறித்து விவாதிக்கிறது.

இணையதளத்தில் இந்நூல் இலவசமாக கிடைக்கிறது. ஷார்ப்பின் சித்தாந்தம் எல்லாம் சரிதான்! ஆனால், ஃப்ரன்ஸ் ஃபானன் முதல் அலி ஷரீஅத்தியும், ஆயத்துல்லாஹ் கொமைனி உள்பட புரட்சியாளர்களின் போராட்ட பூமியில் மக்களுக்கு உத்வேகமளிக்க ஒரு அமெரிக்க பேராசிரியரின் புத்தகமா கிடைத்தது? என்ற நியாயமான சந்தேகம் பலருடைய மனதிலும் எழுந்துள்ளது.

செய்தி:கூத்தநல்லூர் முஸ்லீம்ஸ்

சிரியாவில் கடத்தப்பட்டார் சவூதி இளைஞர்: நாலு இலட்சம் ரியால் பிணை கோரிக்கை!

சவூதி இளைஞர் ஒருவர் சிரியாவில் கடத்தப்பட்டுள்ளார் என்றும் அவரை விடுவிக்க கடத்தல்காரர்கள் 4 இலட்சம் ரியால்களைக் கோரியுள்ளதாகவும் தகவல்கள் கூறுகின்றன.

சவூதியின் தபூக் வட்டாரத்தைச் சேர்ந்த இளைஞர் ஒருவர் மருத்துவப் பரிசோதனைக்காக சிரியத் தலைநகர் டமாஸ்கஸ்ஸில் சென்று தங்கியிருந்த போது, 18 பேர் கொண்ட கும்பலால் கடத்தப்பட்டதாக அவர் குடும்பத்தினர் தெரிவித்துள்ளனர்.

அதன் பின்னர் வந்த ஒரு மர்மத் தொலைபேசி "நான்கு இலட்சம் ரியால்கள் பிணையத் தொகை வேண்டும்" என்று கேட்டதாக கடத்தப்பட்டவரின் உறவினர் அத்திக் அல் எனீசி தெரிவித்துள்ளார்.

இது குறித்து உரிய புகார் தெரிவிக்கப்பட்டுள்ளது என்றும் சவூதி மற்றும் சிரியா காவல்துறை தேவையான நடவடிக்கைகளை மேற்கொள்வதாகவும்  செய்திகள் தெரிவிக்கின்றன.

விபத்தில் ஆற்றில் மூழ்கி பள்ளிக்குழந்தைகள் பலி!

கேரள மாநில தலைநகர் திருவனந்தபுரத்தில் இன்று காலை பள்ளி வேன் ஒன்று ஆற்றில் கவிழ்ந்ததில் 5 குழந்தைகள் உள்பட 6 பேர் பரிதாபமாகப் பலியாகினர். இது பற்றிய விபரம் பின்வருமாறு:

திருவனந்தபுரம் சாக்கை கரிக்ககம் சாமுண்டி கோவில் பகுதியைச் சேர்ந்த 12 குழந்தைகளை ஏற்றிக்கொண்டு பள்ளி வேன் சென்றது. அப்பகுதியிலுள்ள ஆற்றங்கரை பக்கம் சென்று கொண்டிருந்தபோது எதிரே வந்த ஒரு வாகனம், வேன் மீது மோதியது. இதில் வேன் நிலை தடுமாறி ஆற்றுக்குள் கவிழ்ந்தது.

அக்கம்பக்கத்தினர் ஓடி வந்து குழந்தைகளை மீட்கும் பணியில் ஈடுபட்டனர். ஆனால், அதற்குள் தண்ணீரில் மூழ்கி 5 குழந்தைகளும், குழந்தைகளை அழைத்துச் சென்ற பள்ளிப் பணியாளரும் பரிதாபமாகப் பலியாகினர். மற்ற குழந்தைகள் மீட்கப்பட்டு திருவனந்தபுரம் அரசு மருத்துவமனையில் அனுமதிக்கப்பட்டுள்ளனர். பள்ளிக்குழந்தைகள் பலியான சம்பவம் அப்பகுதியில் ஆழ்ந்த சோகத்தை ஏற்படுத்தியுள்ளது.

 

வேலை நிறுத்தம் கூடாது! எகிப்து ராணுவம் எச்சரிக்கை

கெய்ரோ: தொடரும் வேலை நிறுத்தங்களால் நாட்டின் பொருளாதாரம் பெரிதும் பாதிக்கப்படும்; அதனால் ஏற்படும் இழப்பு பெரிய அபாயமாக முடியும்' என்று எகிப்து ராணுவம் எச்சரித்துள்ளது.

ஆனால்  ராணுவத்தின் எச்சரிக்கையையும் பொருட்படுத்தாமல், நேற்று எகிப்தின் பல பகுதிகளில் அரசு ஊழியர்கள் சம்பள உயர்வு உள்ளிட்ட பல கோரிக்கைகளை வலியுறுத்தி, திடீர் வேலை நிறுத்தத்தில் ஈடுபட்டனர்.

எகிப்து முன்னாள் அதிபர் ஹோஸ்னி முபாரக்கின் வெளியேற்றத்துக்கு பின், மக்கள் இயல்பு நிலைக்கு திரும்பி நாட்டின் பொருளாதாரத்தை மேம்படுத்த உழைக்க வேண்டும் என, ராணுவ அரசு கேட்டுக் கொண்டது. ஆனால் 14ம் தேதி, நாட்டின் அனைத்து அரசு நிறுவன ஊழியர்களும் திடீர் வேலை நிறுத்தத்தில் ஈடுபட்டனர்.

செய்தி:இந்நேரம் 

குற்றவாளிகளின் தேசமா நாம்??

ஊழல்... எப்போதும் இல்லாத அளவிற்கு தற்போது நம் நாட்டில் மிகவும் மலிந்து விட்டது. இன்று எந்த ஊழல் வெளிப்படும் என்றுதான் தினமும் படுக்கையை விட்டு எழும்முன் நினைப்பு வருகிறது. ஊழல் செய்யப்பட்ட தொகைக்கு எத்தனை பூஜ்ஜியங்கள் வரும் என்று தலையை சொறியும் நிலையில்தான் அப்பாவி பொதுஜனம் உள்ளார். 1.76 இலட்சம் கோடி... இதனை எப்படி எழுதுவது என்று தெருக்கோடியில் நின்று கொண்டு அப்பாவி பொதுஜனம் யோசித்து கொண்டிருக்கும் போதே 2 லட்சம் கோடி ரூபாயில் இஸ்ரோ ஊழல் என்றொரு செய்தி வருகிறது!!

அரசியல்வாதிகள் மட்டுமில்லாமல் அதிகாரிகள், ஊடகத்துறை பெரும் புள்ளிகள், தொழில் அதிபர்கள் என அனைவரும் தத்தமது பங்கை இதில் செவ்வனே செய்துள்ளனர்.

இவ்வாறு ஊழல் குற்றச்சாட்டு சாட்டப்பட்டவர்களுள் ஒருவர்தான் பி.ஜே.தாமஸ். கேரளா அரசின் தலைமை செயலாளர், மத்திய தகவல் மற்றும் தொலைத்தொடர்பு துறையின் செயலாளர் என பல பதவிகளை வகித்தவர். இந்நிலையில் தலைமை ஊழல் கண்காணிப்பு ஆணையளராக இவர் கடந்த செப்டம்பர் மாதம் நியமிக்கப்பட்டார்.

கேரள அரசின் தலைமை செயலளாராக இருந்தபோது பாமாயில் இறக்குமதி செய்யப்பட்ட விவகாரத்தில் ஊழல் செய்ததாக இவர் மீது குற்றம் சுமத்தப்பட்டு குற்றப்பத்திரிகையும் தாக்கல் செய்யப்பட்டுள்ளது. எனவே இவரை இப்பதவியில் நியமனம் செய்யக்கூடாது என்று எதிர்க்கட்சி தலைவர் சுஷ்மா சுவராஜ் தெரிவித்தார். ஊழல் கண்காணிப்பு ஆணையாளரை தேர்வு செய்ய அமைக்கப்பட்ட குழுவில் சுஷ்மாவும் ஒருவர். இருந்த போதும் காங்கிரஸ் அரசு இவரை பரிந்துரை செய்து பதவியிலும் அமர்த்தியது. அன்றிலிருந்து இவ்விவகாரத்தில் கூச்சல் குழப்பம்தான்.

ஊழல் குற்றச்சாட்டு சுமத்தப்பட்ட ஒருவரை எப்படி தலைமை ஊழல் கண்காணிப்பு ஆணையளராக நியமிப்பது? இயல்பாக எழும் கேள்விதான். இறுதியாக இவரை பதவியில் இருந்து விலகுமாறு காங்கிரஸ் கோரியது. இதனை மறுத்த பி.ஜே.தாமஸ் சில தர்மசங்கடமான கேள்விகளை பத்திரிகையாளர் சந்திப்பிலும் உச்ச நீதி மன்றத்திலும் கேட்டு வைத்தார்.

ஊழலில் சம்பந்தப்பட்ட அரசியல்வாதிகள் தொடர்ந்து பதவியில் நீடித்திருக்கும் போது தான் மட்டும் எதற்காக பதவி விலக வேண்டும் என்றொரு வாதத்தை எடுத்து வைத்தார். எல்லா திருடர்களும் பதவியில் இருக்கும் போது என்னை மட்டும் எதற்கு பதவி விலக சொல்கிறீர்கள் என்பது போல் உள்ளது இவரது கேள்வி.

இவரின் மற்றொரு கேள்விதான் தற்போது விவாத பொருளாக மாற வேண்டும். நாடாளுமன்றத்தில் மக்களால் தேர்ந்தெடுக்கப்பட்ட 545 உறுப்பினர்களில் 153 பேர் மீது குற்றச்சாட்டுகள் பதிவு செய்யப்பட்டுள்ளன என்றொரு தகவலை தாமஸ் வழங்கியுள்ளார். இவர்களில் சிலர் மீது குற்றச்சாட்டுகள் நிரூபிக்கப்பட்டும் உள்ளன.

மாநில சட்டசபைகளிலும் இதே நிலைதான் உள்ளது. மைனர் பெண்ணை கற்பழித்த வழக்கில் சட்டமன்ற உறுப்பினர் கைது செய்யப்படுவதும் மற்றொரு பெண்ணின் வாழ்க்கையை சீரழித்த சட்டமன்ற உறுப்பினர் அந்த பெண்ணாலேயே கொலை செய்யப்படுவதும் தற்போது செய்திகளாக வருகின்றன. இவை எதனை உணர்த்துகின்றன?

குற்றவாளிகளை ஆட்சியாளர்களாக தேர்ந்தெடுக்கும் நிலைக்கும் நமது நாட்டின் நிலை மோசமடைந்து விட்டதா? இல்லையென்றால் நல்லவர்களை தேர்ந்தெடுக்கும் நல்ல எண்ணம் நம்மிடம் குறைந்துவிட்டதா? இல்லை, நம்முடைய தனிப்பட்ட வாழ்க்கையில் நாமும் லஞ்சம், ஊழல், மோசடி என அனைத்திலும் ஈடுபபட்டு வருகிறோம். நம்மில் ஒருவரைதானே நமது பிரதிநிதியாக தேர்வு செய்கிறோம், அவர் பின் எப்படி இருப்பார் என்ற எண்ணம் மக்கள் மத்தியில் வந்துவிட்டதா? இதில் ஏதேனும் ஒன்றுதான் நமது கேள்விக்கு பதில் என்றால் இது நமது நாட்டின் பரிதாப நிலையைதான் உணர்த்துகிறது.

இந்த நிலையில் இருந்துகொண்டு 2020ல் இந்தியா வல்லரசாக மாற வேண்டும் என்று எப்படி கனவு காண்பது??

இன்று நம் மக்களில் சிலர் 'அரசியல் சாக்கடைதான்' என்று கூறி ஒதுங்கிவிட முனைகிறோம். ஆனால் இந்த சாக்கடையை அப்படியே விட்டுவிட்டால் அது ஒட்டுமொத்த தேசத்தையும் சீரழித்து விடும் என்பதை நாம் உணர வேண்டும்.

இரத்தத்தையும் உயிரையும் விலையாக கொடுத்த நமது முன்னோர்கள் நாட்டிற்கு சுதந்திரம் பெற்று தந்தது நாட்டை சில பேர் கொள்ளையடிப்பதற்கு அல்ல. இது நமது நாடு, இதனை பாதுகாப்பதும் முன்னேற்றப் பாதையில் இட்டுச் செல்வதும் நமது கடமை என்பதை உணர்ந்து செயலாற்ற வேண்டும். 

செய்தி:பாலைவனதூது

'அஹமதாபாத்' 'அமதாவாத்'தாக மாற்றம் - வரலாற்றுப் பாரம்பரிய நகரங்களின் பெயர்களை மாற்றும் மோடி அரசு

அஹமதாபாத்,பிப்.17:நூற்றுக்கணக்கான இடங்களில் அஹமதாபாத் முனிசிபல் கார்ப்பரேஷன்(AMC) என்பதை அமதாவாத் முனிசிபல் கார்ப்பரேஷன் என்று மாற்றப்பட்டுள்ளது. வெளிப்படையாகவே முஸ்லிம்களின் பாரம்பரியத்தை அகற்றவேண்டும் என்ற எண்ணத்தில் இவ்வாறு மாற்றப்பட்டு வருகிறது. அஹமதாபாத் முனிசிபல் கார்ப்பரேஷன் பா.ஜ.க அரசாங்கத்தால் செயல்பட்டு வருகிறது என்பது குறிப்பிடத்தக்கது. கடந்த பிப்ரவரி 11-ஆம் தேதி அன்று அஹமதாபாத் நகரம் தோன்றப்பட்டு 600 ஆண்டுகள் முடிவடைந்துள்ளது. ஆனால் AMC இதை நினைவு கூறும் விதமாக எந்த ஒரு செயலையும் செய்யவில்லை.

1411 ஆம் ஆண்டு முஸ்லிம் மன்னர் அகமது ஷா என்பவர் இந்த நகரத்தை தோற்றுவித்தார் என்று ஆதாரப்பூர்வமான வரலாறு கூறுகிறது.

விமான நிலையம், ரயில் நிலையம், பேருந்து நிலையம் இன்னும் பல முக்கிய இடங்களில் உள்ள பெயர் பலகையில் அஹமதாபாத் என்பதை அழித்து அமதாவாத் என்று ஒரே இரவில் மாற்றப்பட்டுள்ளது. நகராட்சியின் அடையாள குறியீட்டில் கூட அஹமதாபாத் என்ற பெயர் அழிக்கப்பட்டு அமதாவாத் என்று மாற்றப்பட்டுள்ளது. இப்படியாக நிறைய இடங்களில் இவ்வாறு மாற்றப்பட்டு வருகிறது. ஒரு ஆங்கில நாளிதழ் தவிர மற்ற அனைத்து நாளிதழ்களும் இதை நிராகரித்துவிட்டது குறிப்பிடத்தக்கது.

ஆர்.எஸ்.எஸ்ஸின் தீவிர உறுப்பினரான இந்த நகரத்தின் மேயர் அசிட் வோரா இதற்கான எந்த ஒரு விளக்கத்தையும் கொடுக்கவில்லை. வேண்டுமென்றே முஸ்லிம்களின் பாரம்பரியத்தை அழிக்க வேண்டும் என்றும், முஸ்லிம்களை இந்நகரத்தை விட்டு ஒதுக்கவேண்டும் என்ற அடிப்படையிலும் 600 ஆண்டுகாலம் பழமைவாய்ந்த நகரத்தின் பெயரை மாற்றும் முயற்சியில் இறங்கியுள்ளது பா.ஜ.க அரசு.

20 சதவிகிதம் முஸ்லிம் மக்கள் தொகையை கொண்ட அஹமதாபாத் நகரம் ஜவுளி பாரம்பரியத்தில் தலைசிறந்து விளங்க கூடிய ஒரு நகரமாக திகழ்கிறது. அதோடு மட்டுமல்லாமால் வெள்ளையர்களுக்கு எதிராக தனது அறப்போராட்டத்தை துவக்கிய மஹாத்மா காந்தி அவர்களின் சபர்மதி ஆசிரமம் இந்நகரத்தில்தான் அமைந்துள்ளது குறிப்பிடத்தக்கது.

1987 ஆம் ஆண்டு அஹமதாபாத் நகரத்தை கைப்பற்றிய ஹிந்துத்துவவாதிகள், அன்றிலிருந்து இதன் பெயரை மாற்றவேண்டும் என்று முனைப்போடு செயல்பட்டு வருகின்றனர். அவர்களோடு தொடர்புடைய அமைப்புகளான பா.ஜ.க, விஷ்வ ஹிந்து பரிஷத் மற்றும் ஏனைய அமைப்புகள் ஒன்று சேர்ந்து நகரத்தின் பெயரை கர்னாவதி என்று மாற்றப்பட வேண்டும் என்று கோரிக்கை வைத்து வருகின்றனர். மஹாபாரதத்தின் கதாபாத்திரமான கர்ணன் தான் இந்நகரத்தை தோற்றுவித்தார் என்று நம்புவதாக கூறுகிறார்கள். ஆனால் அவர்கள் கூறும் இந்த கூற்று ஒரு உறுப்படியான காரணம் இல்லை என்றும், முஸ்லிம்களை எதிர்ப்பதற்க்காகத்தான் இவ்வாறு செயல்படுகிறார்கள் என்று நடுநிலையான இந்துக்கள் கூட கருதுவார்கள்.

ஆனால் மாநிலத்தை ஆளும் பா.ஜ.க அரசுக்கு அதிக ஆதரவு இருப்பதாலும், வலுவான சக்திமிக்க‌ சமுதாயமாக முஸ்லிம் சமுதாயம் இல்லாததால் இதனை எதிர்க்க முடியாத சூழ்நிலை உருவாகியுள்ளது. 2002 குஜராத் இனப்படுகொலையின் மூலம் முஸ்லிம்களை கருவருத்த நரேந்திர மோடி தற்போது முஸ்லிம்களின் பாரம்பரியத்தை அழிக்கவும் அவர்களை நகரத்தை விட்டு வெளியேற்றவும் தந்திரமாக செயல்பட்டு வருகிறார் என்பது பட்டவர்த்தனமாக விளங்குகிறது.

மத்தியிலும், மாநிலத்தின் மற்ற பகுதிகளிலும் அஹமதாபாத் என்ற பெயரே உபயோகப்படுத்தப்பட்டாலும், பா.ஜ,க அரசு அஹமதாபாத்தில் வசிக்கும் மக்களின் எண்ணங்களில் அமதாவாத் என்ற பெயரையே பிரபலமாக்கி வருகிறது.

இதனை விமர்சித்த மக்களின் குடியியல் விடுதலை சங்கத்தின் (PUCL) தலைவர் ஜே.எஸ்.பந்துக்வாலா கூறுகையில், இத்தகைய செயல் பா.ஜ.க மற்று ஆர்.எஸ்.எஸ்ஸின் முஸ்லிம் விரோத போக்கை தெளிவுபடுத்துகிறது என்றார். முஸ்லிம் பெயரையோ அல்லது முஸ்லிம் பெயர்களில் இருக்கும் பாரம்பரியத்தையோ ஒருபோதும் இவர்கள் ஏற்றுக்கொள்ளமாட்டார்கள்.

ஆனால் முஸ்லிம்கள் இந்தியாவில் வாழக்கூடிய இரண்டாவது மிகப்பெரிய சமூகம் என்பதை இவர்கள் மறந்துவிட்டார்கள். இந்தியாவில் இருக்கக்கூடிய ஒவ்வொரு மாவட்டங்களிலும் முஸ்லிம்கள் வசிக்கிறார்கள். இந்தியாவில் இருந்து ஒரு போதும் வெளியேறமாட்டோம்! நாம் இங்கே வசிப்பதற்க்காக‌த்தான் இருக்கின்றோம். முஸ்லிம்கள் இந்தியாவில் வாழ்வதற்கு காவிகளிடமிருந்து நன்மதிப்பு தேவை என்ற எந்த அவசியமும் இல்லை என்று மேலும் அவர் கூறினார்.

ஜாபிர் மன்சூரி என்ற சமூக ஆர்வலர் கூறும் போது, இத்தகைய வகுப்புவாத செயல்கள் நாட்டின் முன்னேற்றத்திற்க்கு பெறும் ஆபத்தை விளைவிக்கும் என்றார்.

முஸ்லிம் பெயர்களை மாற்றுவதினால், முஸ்லிம்களை நகரத்திலிருந்து வெளியேற்றிவிடலாம் என்று தப்பு கணக்கு போட்டுவிட்டார்கள். இத்தகைய செயல்களினால் முஸ்லிம்கள் வெளியேறப்போவதுமில்லை, அவர்களுக்கும் இந்நகரத்திற்கும் உள்ள தொடர்பு முறிந்துவிடப் போவதுமில்லை என்று கூறினார்.

ஆயிரக்கணக்கான அடையாள சின்னங்கள், மஸ்ஜிதுகள் மற்றும் இந்நகரத்தை தோற்றுவித்த அகமது ஷா அவர்களால் கட்டப்பட்ட கோட்டைகள் உள்ளது. இத்தகைய வரலாற்று சின்னங்களை இவர்களால் ஒருபோதும் அழித்துவிட முடியாது என்று கூறினார்.

சமீபகாலமாக பல நகரங்களின் பெயர்கள் மாற்றப்பட்டு வருகிறது. பாம்பே, மெட்ராஸ், திருவனந்தபுரம், கல்கத்தா, பெங்களூர், காலிகட் போன்ற நகரங்களின் பெயர்கள் அரசியல்வாதிகளால் ஹிந்துத்துவவாதிகளின் கோரிக்கைக்கு ஏற்ப மாற்றப்பட்டு வருகிறது. குஜராத்தில் உள்ள பரோடா என்ற நகரம் வதோதரா என்ற மாற்றப்பட்டது குறிப்பிடத்தக்கது.

செய்தி:பாலைவனதூது

நீதிமன்றத்தில் ரகசிய கடிதத்தை கொடுத்த அஸீமானந்த்

அஜ்மீர்,பிப்.17:இந்தியாவில் நடந்த பல குண்டுவெடிப்புகளின் முக்கிய குற்றவாளியாக கைது செய்யப்பட்டிருக்கும் ஹிந்துத்துவ பயங்கரவாதி அஸீமானந்த், ரகசிய கடிதம் ஒன்றை நீதிமன்றத்தில் நேற்று சமர்பித்துள்ளார்.

மற்ற குற்றவாளிகள் முகேஷ் வாசனி மற்றும் ஹர்ஷத் சோலங்கிவுடன் நீதிமன்றத்தில் நேற்று ஆஜர் படுத்தப்பட்ட அஸீமானந்த், ஜுடிசியல் மாஜிஸ்திரேட் ஆர்.எல்.மூன்ந்தின் முன் இக்கடிதத்தை சமர்பித்தார்.

ஹிந்துத்துவ தீவிரவாத இயக்கமான அபினவ் பாரத்தை சேர்ந்த அஸீமானந்த், இக்கடிதத்தை ரகசியமாக வைத்துக்கொள்ளும் படியும், கடிதத்தில் கூறியுள்ள விசயங்களை வெளியே தெரிவிக்க வேண்டாம் எனவும் மாஜிஸ்திரேடிடம் தெரிவித்தார்.

இம்மூவரின் நீதிமன்றக் காவல் வரும் மார்ச் 1ம் தேதி வரை நீட்டிக்கப்பட்டுள்ளது. அதேப்போல், மற்றொரு தீவிரவாதியான பாரத் பாயை ஏ.டி.எஸ். வரும் 18-ம் தேதியன்று ஆஜர்படுத்தும் என்று தெரிகிறது.

அஜ்மீர் குண்டு வெடிப்பு வழக்கில், தேவேந்தர், லோகேஷ் ஷர்மா மற்றும் சந்திரசேகர் ஆகியோரின் விசாரணையை மாஜிஸ்திரேட் பிப்ரவரி 19ம் தேதி விசாரிப்பார்.

மத்திய கிழக்கில் நடந்துவரும் மக்கள் போராட்டத்தின் நிலைமைகளின் ஒரு பார்வை

1.துனிசியா: பின் அலி ஆட்சி அகற்றம். ஊர் அடங்கு உத்தரவு நீக்கம். அவசரகால சட்டம் நடைமுறையில். மக்கள் போராட்டத்தை தடுக்க தேசிய கவுன்சில் அமைக்கத் திட்டம். நகரங்களில் ஆளுநர்கள் மாற்றம் மற்றும் வதந்திகளை கிளப்பி குழப்பம் உண்டாக்கும் நபர்களை கைது செய்ய அல்லது சுடுவதற்கு அனுமதி.

2.எகிப்து: முபாரக் ராஜினாமா. உடல் நிலைக் கவலைக்கிடம். பொருளாதார சரிவில் எகிப்து, வங்கிகள் மூடல். வெளிவரும் பெண்களின் பிரச்சனைகள். இக்வான்களின் அரசியல் விரைவில் துவக்கம்.

3. அல்ஜீரியா: மக்கள் போராட்டம் அதிகரிப்பு. மக்களை அடக்க நினைக்கும் அரசு, அதற்கு துணைபோகும் ராணுவம் மற்றும் போலீஸ். ல் இருந்து நிலவும் அவசரகால சட்டத்தை நீக்க பிரமர் ஒப்புதல். வீடுகள், வேலைவாய்ப்பு, பசிப்பட்டினி போன்ற பிரச்சனைகளுக்கு தீர்வுக்கான பிரதமர் வாக்குறுதி.

4.பஹ்ரைன்: ஷியாக்களின் ஆட்சிக்கெதிராக மக்களின் போராட்டங்கள் தீவிரம். போராட்டங்களில் போலிசிற்கும் மக்களுக்கும் சண்டை மூண்டது. இதுவரை நான்கிற்கும் மேற்பட்டோர் மரணம். தொடர்ந்து அரசியல் கொந்தளிப்பு. மக்களை அடக்க அமெரிக்க ராணுவம் சவூதியிலிருந்து ஹெலிகாப்டர்கள் மூலமாக வந்துதுள்ளதாக தகவல். பதற்றமான சூழ்நிலை காணப்படுகிறது. எகிப்து போராட்டத்தில் இறந்த மக்களுக்கு அஞ்சலி செலுத்தும் விதமாக தலைநகர் மனாமாவில் நேற்று பேரணி. கலவரம் ஏற்படும் என்பதால் வர்த்தக நிறுவனங்கள், கடைகள் உள்ளிட்டவை மனாமாவில் மூடப்பட்டிருந்தன.

5.எமன்: 5 வது நாளாக தீவிர போராட்டம். துப்பாக்கிச் சூட்டில் இருவர் பலி. அதிபர் அலி அப்துல்லா சலேவுக்கு எதிராக தலைநகர் ஸன்ஆவில் மக்கள் ஆர்ப்பாட்டம். ஆயிரக்கணக்கான பல்கலை மாணவர்கள், மனித உரிமை ஆர்வலர்கள் என மூவாயிரத்துக்கும் மேற்பட்டோர் கலந்து கொண்டனர். தலைநகர் சனாவில் உள்ள அதிபர் மாளிகை நோக்கிச் செல்லும் தெருக்களில் ஏகப்பட்ட சோதனைச் சாவடிகள் . பல இடங்களில் கம்பி வலைகள் குறுக்காக போடப்பட்டுள்ளன.

6.ஈராக்: ஆங்காங்கே மக்கள் போராட்டம். அரசு அலுவலகங்கள் தீவைத்து தகர்ப்பு. மக்கள் கோஷங்கள் அதிகரித்தவண்ணம் உள்ளது. மேற்கத்திய ராணுவம் மக்களை அடக்கும் முயற்சியில்.

7.ஈரான்: இங்கு ஒரு வித்தியாசமான நிகழ்வு. மற்ற நாடுகளில் மக்கள் முன்வந்து போராடுகிறார்கள். ஆனால் இங்கு அமெரிக்கா மற்றும் இஸ்ரேலின் தூண்டுதலின் படி எதிர்க்கட்சி மூலம் போராட்டம். எதிர்க்கட்சி தலைவர் வீட்டுக்காவலில். திங்கட்கிழமை நடந்த போராட்டத்தில் போலிசிற்கும் போராட்டக்காரர்களுக்கும் மத்தியில் கலவரம் மூண்டது. இரண்டு பேர் கொல்லப்பட்டனர். மீடியாக்கள் ஈரான் விவகாரங்களை பெரிதாக்குகின்றது.

மத்திய பிரதேசத்தில் பாம்ப்லேட் பிரச்சாரத்தை முடுக்கிவிட்டுள்ள ஆர்.எஸ்.எஸ்.

போபால்,பிப்17: தனக்கு எதிராக சூழ்ச்சிகள் நடந்துக் கொண்டிருப்பதாக கூறி, மத்திய பிரதேசத்தில் ஹிந்துத்துவ தீவிரவாதிகளின் தாய் அமைப்பான ஆர்.எஸ்.எஸ். உண்மைகளை மறுத்து பாம்ப்லேட்(துண்டுப் பிரசுரம்) மூலம் பிரச்சாரத்தை மேற்கொண்டுள்ளது.

அதில் குறிப்பிடப்பட்டுள்ளதாவது, குண்டு வெடிப்பு வழக்குகளில் நம் நாட்டில் சில ஹிந்துக்கள் கைது செய்யப்பட்டுள்ளனர். சங்க் பரிவார குடும்பத்திற்கும் இதில் பங்குள்ளது எனவும் கூறப்படுகிறது. ஆனால், அது உண்மையல்ல.

கைதுச் செய்யப்பட்டுள்ள அனைத்து ஹிந்துக்களும் ஆளுமை உணர்வு கொண்டவர்கள். ஆர்.எஸ்.எஸ்.சிலிருந்து வெளியே சென்றவர்கள் என்று கூறப்பட்டுள்ளது.

"காவி பயங்கரவாதம்" என்ற முழக்கம், ஹிந்துக்களை அவமானப்படுத்தும் அரசியல் சதியாக பயன்படுத்தப்படுகிறது எனவும் தெரிவிக்கப்பட்டுள்ளது.

ஆர்.எஸ்.எஸ்ஸின் இச்செயல் மத்திய பிரதேசத்தில் பி.ஜே.பி ஆட்சியை தக்கவைக்க கூடிய திட்டம் என்றும், இது முழு பூசனிக்காயை முட்டைக்குள் மறைக்க முயலும் செயல் என்றும் சமூக ஆர்வலர்கள் விமர்சித்துள்ளனர்.

'நான் இன்னும் எதிபார்கிறேன்' - ஈரானில் போராட்டக்காரர்களை உசுப்பிவிடும் ஒபாமா

வாஷிங்டன்,பிப்.17:ஈரானில் அரசுக்கெதிரான போராட்டாங்கள் இன்னும் அதிகரிக்கும் என்று தான் நம்புவதாக அமெரிக்க அதிபர் பாரக் ஒபாமா தெரிவித்துள்ளார்.

ஈரான் நாட்டு மக்கள் தனி சுதந்திரத்துடன் வாழ முன்வர வேண்டியும், மக்கள் சார்பு அரசை ஈரானில் அமைப்பதற்கும் மக்கள் போராட்டங்களை தீவிரபடுத்துவார்கள் என்று நம்புவதாகவும், எதிபார்ப்பதாவகும் ஒபாமா கூறிகிறார்.

முன்னதாக, ஈரானில் கலவரங்களின் பின்னணியில் அமெரிக்க மற்றும் இஸ்ரேல் உள்ளதாக அதன் எம்.பிக்கள் குற்றம் சாட்டியுள்ளனர். மத்திய கிழக்கு பகுதிகளில் மக்கள் போராட்டங்களை ஈரான் ஆதரித்ததினால் அவர்கள் இவ்வாறு நடந்துகொள்வதாக ஈரான் மக்களவை தலைவர் தெரிவித்துள்ளார்.

மேலும், மத்திய கிழக்கு பகுதுகளில் அமெரிக்கா தனது ஆளுமையை ஜனநாயகம் என்ற போர்வையில் நிலைநிறுத்த முயல்வதகாவும் அவர் குற்றம்சாட்டினார்.

2009ம் ஆண்டு தேர்தலில் தோல்வியுற்ற மீர் ஹுசைன் மற்றும் மேஹ்டி கரூபி ஆகியோர் அழைத்திருந்த போராட்டத்தில், இரண்டு பேர் கொல்லப்பட்டனர் மற்றும் ஏழுக்கும் மேற்பட்டோர் காயமடைந்தனர்.

இதனிடையே, ஈரானில் நடக்கும் போராட்டங்களுக்கு இஸ்ரேலும் தன் தார்மீக ஆதரவை தெரிவித்துள்ளது.

லெபனானை தாக்குவோம் - இஸ்ரேல் மிரட்டல், கப்பலை தாக்குவோம் - ஹிஸ்புல்லாஹ் எச்சரிக்கை

டெல்அவீவ்,பிப்.17:தெற்கு லெபனானில் மீண்டும் ராணுவத்தை அனுப்புவோம் என இஸ்ரேல் பாதுகாப்பு அமைச்சர் யஹூத் பாரக் மிரட்டல் விடுத்துள்ளார்.

ஹிஸ்புல்லாஹ் போராளிகளை துரத்துவதற்காக எதிர்காலத்தில் தாக்குதல் நடத்துவோம். புதிய ராணுவத் தலைவராக பொறுப்பேற்றுள்ள பென்னி காண்ட்சுடன் லெபனானின் எல்லையில் நடத்திய சந்திப்பின்போது யஹூத் பாரக் இந்த மிரட்டலை விடுத்துள்ளதாக இஸ்ரேலின் ஹாரட்ஸ் பத்திரிகை செய்தி வெளியிட்டுள்ளது.

கடந்த 2006 ஆம் ஆண்டு இஸ்ரேல் லெபனானின் மீது 33 தினங்களாக நடத்திய தாக்குதலில் 1200 லெபனான் அப்பாவி குடிமக்கள் கொல்லப்பட்டனர். ஹிஸ்புல்லாஹ்வை அழித்தொழிக்க இஸ்ரேல் தாக்குதல் நடத்திய பிறகும் லட்சியம் நிறைவேறவில்லை. ஆனால், ஹிஸ்புல்லாஹ்வுக்கு பலத்த அடி கிடைத்ததாக யஹூத் பாரக் கூறுகிறார்.

லெபனான் கடல் எல்லையை கடக்கும் முன்பு இஸ்ரேலின் கடற்படை கப்பலை தாக்குவோம் என ஹிஸ்புல்லாஹ் எச்சரிக்கை விடுத்துள்ளது.

ஜமால் முகம்மது கல்லூரி வழங்கும் ஓராண்டு பட்டயப் படிப்புகள்

 

திருச்சி ஜமால் முகம்மது தன்னாட்சிக் கல்லூரி +2 மாணவர்கள் மற்றும் மதரஸாக்களில் படித்து +2 தேர்வில் வெற்றி பெற்ற ஆண்/பெண் இருபாலருக்கும் தொழிற்கல்வி சார்ந்த பட்டயக் கல்வியை வழங்கவுள்ளது. மத்திய மனிதவள மேம்பாட்டு அமைச்சகத்தின் வழிகாட்டலில் இத்தகைய பட்டயங்கள் வழங்கப்படுவதால் இந்திய அளவில் அங்கீகாரமுள்ளதாக இந்தப் பட்டயம் மதிக்கப்படும். இந்தப் பட்டயத்தை உருது மொழி மேம்பாட்டிற்கான தேசிய அமைப்பும் இணைந்து “0” லெவல் என்கிற சான்றுக்கான பட்டயக்கல்வியாக வழங்கவுள்ளது சிறப்புக்குரியது.

பொறியியல் பட்டக்கல்வியில் கற்பிக்கப்படுவதற்கு நிகரான கம்ப்யூட்டர் அடிப்படைகள், அதன் இயக்கம், அதில் அலுவலகம், தொழிலகம், திட்ட வரைவு முதலானவற்றை செய்யும் பணிகள் தொடர்பாகவும், இணையதளம்; அதன் வடிவமைப்பு, உருவம் உருவாக்கம் தொடர்பாகவும், வணிகவியலுக்குத் தேவையான கணக்கீடுகள், திறன் மேம்பாடு மற்றும் கம்ப்யூட்டர் மொழியான “சி” வழியில் தீர்வு காணும் நுணுக்கங்கள், இவற்றைப் போலவே உருது, இந்தி, அரபி மற்றும் தமிழ் மொழிகளில் கம்ப்யூட்டர் தட்டச்சு மற்றும் பக்கங்கள் வடிவமைப்பு, வரைகலை முதலியன பகுதி பகுதியாக இந்தப் பட்டயக் கல்வியில் வழங்கவுள்ளனர். பெண்கள் காலை வகுப்பிலும், ஆண்கள் மாலை வகுப்பிலும் கற்பதற்கான வசதிகள் செய்யப்பட்டுள்ளன. குறைந்த கட்டணமே பெற்று இந்த பட்டயக் கல்விகளை திருச்சி ஜமால் முகம்மது தன்னாட்சிக் கல்லூரி வழங்கவுள்ளது சிறந்த சேவையாகும்.

அழகன்குளத்தில் இனிதே உதயமானது - சோஸியல் டெமாக்ரடிக் பார்ட்டி ஆஃப் ( SDPI )

சோஸியல் டெமாக்ரடிக் பார்ட்டி ஆஃப் இந்தியாவின் அழகங்குளம் கிளை சார்பாக கொடியேற்று நிகழ்ச்சி 16/02/2011 மாலை 5.00 மணியளவில் அழகங்குளம் பேருந்து நிலையம் அருகில் SDPI -யின் மாவட்ட செயற்குழு உறுப்பினர் பரமக்குடி கனி தலைமையில் நடைபெற்றது. இந்நிகழ்ச்சிக்கு SDPI அழகங்குளம் தலைவர் A.சாஹிர்தீன், துணை தலைவர் S.முஹம்மது ரிபாய்,செயலாளர்  M.மனாஸ் ரஹ்மான் ஆகியோர் முன்னிலை வகித்தனர். பனைக்குளம் கிளை தலைவர் ரியாஸ் அஹமது M.C.A., அவர்கள் வரவேற்புரை நிகழ்த்தினார்.  SDPI -யின் மாவட்ட துணை தலைவர் கருணாகரன் B.SC, B.L கொடியேற்றி சிறப்பித்தார். அதனை தொடர்ந்து  SDPI -யின் ராம்நாட் தொகுதி செயளாலர் அப்துல் ஜமீல் அவர்கள் SDPIயின் செயல்பாடுகள் மற்றும் பிப்ரவரி 20ல் SDPI நடத்தவிருக்கும் சென்னை மண்டல மாநாடு குறித்து சிறப்புரை நிகழ்த்தினார். மெலும் இந்த கூட்டத்திற்கு சித்தார்கோட்டை தலைவர் உமர் அலி, புதுவலசை தலைவர் அபுரார் அஹமது, தேவிபட்டினம் நகர் தலைவர் முகைதீன், நகர் மன்ற உறுப்பினர்கள்,SDPI  செயல்வீரர்கள் மற்றும் ஜமாஅத்தார்கள், சங்கத்தார்கள் பொதுமக்கள்  திரளாக கலந்து கொண்டனர்.   இறுதியாக நகர் செயலாளர் நன்றியுரையோடு நிகழ்ச்சி இனிதே நிறைவுப்பெற்றது.

முஸ்லிம்களுக்கு 10% சதவீத தொகுதிகளை ஒதுக்கும் கட்சியுடன் கூட்டணி - எஸ்.டி.பி.ஐ

சென்னை,பிப்.16:முஸ்லிம்களுக்கு 10 சதவீதம் தொகுதி ஒதுக்கீடு, ஊழலை ஒழிக்க சரியான செயல்திட்டம் போன்ற எஸ்.டி.பி.ஐ-ன் கோரிக்கைகளுக்கு பிரதிநிதித்துவம் அளிக்கும் கட்சியுடன் கூட்டணி அமைத்து வரும் சட்டமன்ற தேர்தலில் எஸ்.டி.பி.ஐ. போட்டியிடும் என அக்கட்சியின் தமிழ் மாநிலத் தலைவர் தெரிவித்துள்ளார்.

சென்னையில் நடைபெற்ற பத்திரிகையாளர் சந்திப்பு நிகழ்ச்சியில் எஸ்.டி.பி.ஐ.-ன் மாநில தலைவர் தெஹ்லான் பாகவி செய்தியாளர்களை சந்தித்தார். அப்போது அவர் கூறியதாவது; "எஸ்.டி.பி.ஐ. கடந்த 1 1/2 வருடங்களாக தமிழகத்தில் தீவிரமாக செயல்பட்டு அனைத்து மாவட்டங்களிலும் தனது கட்டமைப்பை ஏற்படுத்தி லட்சக்கணக்கான உறுப்பினர்களுடனும், பல்லாயிர கணக்கான செயல் வீரர்களுடனும் மக்கள் பணியாற்றி வருகிறது.

தற்போது எஸ்.டி.பி.ஐ.-ன் கிளை முதல் மாவட்டம் வரை உட்கட்சி தேர்தல் நடைபெற்று வருகிறது. வரும் மார்ச் 6-ஆம் தேதி சென்னையில் நடைபெறும் மாநில பொதுக்குழுவில் புதிய மாநில நிர்வாகிகள் தேர்ந்தெடுக்கப்படுவர். மார்ச் 26-ஆம் தேதி டில்லியில் தேசிய பொதுக்குழு நடைபெறும் அதில் புதிய தேசிய நிர்வாகிகள் தேர்ந்தெடுக்கப்படுவர்

எஸ்.டி.பி.ஐ.-ன் வளர்ச்சியின் அடுத்த கட்டமாக வரும் 20-ஆம் தேதி சென்னை இராயப்பேட்டை YMCA மைதானத்தில் 8 மாவட்டங்களை உள்ளடக்கிய 'சென்னை மண்டல மாநாடு' சிறப்பாகவும் எழுச்சியுடனும் இறையருளால் நடைபெறும். இதில் லட்சக்கணக்கான தொண்டர்களும் பொதுமக்களும் எழுச்சியுடன் பங்கேற்பார்கள். முன்னதாக கொடியேற்றம், கருத்தரங்கும், பேரணி ஆகியவை நடைபெறும். இம்மாநாடு எஸ்.டி.பி.ஐ.யின் வெற்றி மாநாடகாவும், ஒரு மைல்கல்லாக அமையும். இதில் பல்வேறு சமூக அமைப்புகளின் தலைவர்களும், அரசியல் தலைவர்களும், எஸ்.டி.பி.ஐ.-ன் தேசிய மாநில நிர்வாகிகளும் கலந்து உரையாற்றுவர்.

வரும் சட்டமன்ற தேர்தலில் தமிழ் நாட்டின் முக்கிய அரசியல் கட்சிகள் தங்களது வேட்பாளர்களில் அரசியல் உட்பட அனைத்து துறைகளிலும் பின் தங்கியுள்ள முஸ்லிம்களுக்கு 10% தொகுதிகளை ஒதுக்க வேண்டும். அது போன்று இடஒதுக்கீட்டை 5% உயர்த்துவது வக்ஃபு வாரிய சொத்துகளை முறைபடுத்துவது அதில் அதிக நிதிகளை ஒதுக்குவது முஸ்லிம்களுக்கு வட்டியில்லா கடன்கள் வழங்குவது போன்ற வாக்குறுதிகளை தேர்தல் அறிக்கையில் வழங்க வேண்டும். ஊழலை ஒழிக்க சரியான செயல்திட்டங்களையும் 'லோக் அறகிதா' போன்ற ஊழல் ஒழிப்பிற்கான அமைப்புகளை ஏற்படுத்துவதையும் வாக்குறுதியாக அளிக்க வேண்டும். தீண்டாமை கொடுமைகளை முற்றிலும் ஒடுக்கும் செயல் திட்டங்களையும் அதில் அறிவிக்க வேண்டும். எஸ்.டி.பி.ஐ. வரும் தேர்தலில் மேற்கண்ட வாக்குறுதிகளோடு சட்டமன்ற தேர்தலில் அதிக பிரதிநிதித்துவத்தை எஸ்.டி.பி.ஐ.க்கு தரும் கட்சிகளோடு கூட்டணி வைத்து போட்டியிடுவோம். அல்லது 25 தொகுதிகளில் தனித்து எஸ்.டி.பி.ஐ. போட்டியிடும். அதற்கான ஏற்பாடுகளை செய்து வருகிறோம். எஸ்.டி.பி.ஐ. 60 தொகுதிகளில் வெற்றி தோல்வியை நிர்ணயிக்கும் சக்தியாக இத்தேர்தலில் விளங்கும்."

இவ்வாறு செய்தியாளர்களிடம் எஸ்.டி.பி.ஐ.யின் மாநில தலைவர் தெஹ்லான் பாகவி கூறினார்.

ஈரான்:எதிரிகளின் எண்ணம் நிறைவேறாது - அஹ்மத் நஜாத்

தெஹ்ரான்,பிப்.16:ஈரானில் எதிரிகளின் சதித்திட்டத்தின் விளைவாக நடந்துவரும் அரசுக்கெதிரான கிளர்ச்சி அதன் லட்சியத்தை அடையமுடியாது என அந்நாட்டு அதிபர் அஹ்மத் நஜாத் தெரிவித்துள்ளார்.

ஈரானுக்கு எதிரிகள் இருப்பது உண்மைதான். காரணம், உலக நாடுகளுக்கு மத்தியிலான உறவுகளில் மாற்றத்தை ஏற்படுத்தவும், சிகரங்களை நோக்கி முன்னேறவும் ஈரான் முயல்கிறது.

ஈரான் அரசுடனான கடுமையான விரோதம் கொண்டவர்கள் இங்குள்ளனர். ஆனால், அவர்களின் லட்சியம் நிறைவேறாது என அஹ்மத் நஜாத் ஒரு தொலைக்காட்சி சேனலுக்கு அளித்துள்ள பேட்டியில் தெரிவித்துள்ளார்.

ஈரானில் நடந்த அரசுக்கெதிரான போராட்டத்தில் இரண்டு பேர் உயிரிழந்துள்ளனர். ஏராளமானோருக்கு காயமேற்பட்டுள்ளது.

பெரியபட்டினத்தில் இலவச கண் சிகிச்சை முகாம்

பெரியபட்டினம்,பிப்.16:பாப்புலர் ஃப்ரண்ட் ஆஃப் இந்தியா, மதுரை அரவிந்த் கண் மருத்துவமனை மற்றும் மாவட்ட பார்வையிழப்பு தடுப்புச் சங்கம் இணைந்து இராமநாதபுரம் பெரியபட்டினத்தில் மாபெரும் இலவச கண் சிகிச்சை முகாம் சென்ற பிப்.12 அன்று பெரியபட்டினம் அரசு ஆரம்ப தொடக்கப் பள்ளியில் நடைபெற்றது. முகாமை பெரியபட்டினம் ஊராட்சி மன்றத் தலைவர் அப்துல் ரஹீம் துவங்கி வைத்தார். மதியம் 2 மணி வரை நடந்த முகாமில் 168 நபர்கள் கலந்துகொண்டனர். அதில் 30 நபர்கள் இலவச அறுவை சிகிச்சைக்காக மதுரை அரவிந்த் கண் மருத்துவமனைக்கு அழைத்துச் செல்லப்பட்டனர். கலந்து கொண்ட மக்கள் அனைவரும் பயன்பெற்று பாராட்டிச் சென்றனர்.

நிரபராதிகளை விடுதலைச் செய்தால் மட்டும் போதுமா?

இந்தியாவின் பல்வேறு பகுதிகளில் ஹிந்துத்துவா பயங்கரவாதிகள் நடத்திய குண்டுவெடிப்புகளில் பழி சுமத்தப்பட்டு சிறையில் அடைபட்டிருக்கும் நிரபராதிகளான அப்பாவி முஸ்லிம் இளைஞர்களை விடுதலைச் செய்யப் போவதாகவும், அவர்களை பொய்வழக்கில் சிக்கவைத்த போலீஸ் அதிகாரிகள் மீது நடவடிக்கை எடுக்கப் போவதாகவும் மத்திய உள்துறை அமைச்சகம் தெரிவித்துள்ளது.

நிச்சயமாக, இந்த அறிவிப்பு நூற்றுக்கணக்கான உதவியற்ற அப்பாவிகளான விசாரணை கைதிகளுக்கும் அவர்களுடைய குடும்பத்தினருக்கும் மட்டுமல்ல தொடர்ச்சியாக நடந்துவரும் மனித உரிமை மீறல்களால் நிராசையடைந்துள்ள மனித உரிமை ஆர்வலர்களுக்கும் ஆறுதலைத் தரும் செய்தியாகும்.

மலேகான் ஒன்று, மலேகான் இரண்டு, ஜெய்ப்பூர், அஜ்மீர், மக்கா மஸ்ஜித், சம்ஜோதா எக்ஸ்பிரஸ் உள்பட ஹிந்துக்கள், முஸ்லிம்கள் உள்பட சாதாரண மக்களை கொலைச் செய்யும் வெறித்தனமான எண்ணத்துடன் நடத்தப்பட்ட குண்டுவெடிப்புகளை திட்டமிட்டு நிகழ்த்தியது ஆர்.எஸ்.எஸ் பயங்கரவாத இயக்கத்தின் தேசியசெயற்குழு உறுப்பினரான இந்திரேஷ் குமாரும் அவருடைய ஆதரவு கும்பலுமாகும் என இவ்வழக்குகளில் கைதுச் செய்யப்பட்டுள்ள அஸிமானந்தா குற்ற ஒப்புதல் வாக்குமூலம் அளித்திருந்தார்.

ஆனால், குண்டுவெடிப்புகள் என்றாலே அதனை நிகழ்த்துவது முஸ்லிம்கள்தாம் என்ற இந்தியாவின் அதிகார வர்க்கம் வகுத்து வைத்திருக்கும் பொதுவிதியின் அடிப்படையில் போலீஸ் துறையைச் சார்ந்த பாசிச சிந்தனைக் கொண்ட அதிகாரிகள் அப்பாவி முஸ்லிம் இளைஞர்களை கைதுச் செய்து சித்திரவதைச் செய்து சிறையிலடைத்தனர்.

கடந்த 2008 ஆம் ஆண்டு மும்பை தீவிரவாத தாக்குதலின்போது மர்மமான முறையில் கொல்லப்பட்ட மஹராஷ்ட்ரா ஏ.டி.எஸ் தலைவர் ஹேமந்த் கர்காரேதான் மலேகான்-2 குண்டுவெடிப்பு வழக்கில் ஹிந்துத்துவா பயங்கரவாத இயக்கங்களின் பங்கினை வெளிச்சத்திற்கு கொண்டுவந்தார். அப்பொழுதெல்லாம் உயர்ஜாதி ஆதிக்க ஊடகங்களும், உள்துறை அமைச்சகத்தின் சில உயர் அதிகாரிகளும், போலீஸ் துறையில் ஒரு பிரிவினரும் விசாரணையை திசை திருப்புவதிலேயே குறியாக இருந்தனர்.

ஒருபோதும் சிறையிலிருந்து வெளியே வரமுடியாத அளவுக்கு கடுமையான பிரிவுகளில் குற்றங்களை சுமத்தி சிறையிலடைக்கப்பட்டனர் அப்பாவி முஸ்லிம் இளைஞர்கள்.

புலனாய்வு ஏஜன்சிகளில் ஆழமாக படிந்துபோன பாரபட்சம் மட்டுமல்ல, அரசியல் ஆதாயங்களுக்காக ஹிந்துத்துவா பயங்கரவாதிகளை தொடுவதற்கு அஞ்சிய அரசியல் தலைமைகளும் பயங்கரமான இந்த மனித உரிமை மீறல்களுக்கு பொறுப்பாவார்கள்.

பலரும் மூடிமறைக்க திட்டமிட்ட உண்மைகள் வெடித்துச் சிதறியபோது நிரபராதிகளை விடுதலைச் செய்யவும், பொய்வழக்கு சுமத்திய அதிகாரிகளுக்கு எதிராக நடவடிக்கை எடுக்கவும் உள்துறை அமைச்சகம் தயாரானது.

போலி என்கவுண்டரை நடத்துவதில் வல்லுநர்களான டெல்லி போலீசில் ஸ்பெஷல் பிரிவும், குண்டுவெடிப்புகளை நிகழ்த்த திட்டமிட்ட லெஃப்டினண்ட் கர்னல் ஸ்ரீகாந்த் புரோகித்தின் உதவியுடன் போலீசாருக்கு பயிற்சியளித்த மஹாராஷ்ட்ரா ஏ.டி.எஸ்ஸும், இந்தியாவின் பல பகுதிகளில் குண்டுவெடிப்பு வழக்குகளை விசாரணைச்செய்ய நியமிக்கப்பட்ட புலனாய்வு ஏஜன்சிகளும் நடத்திய சட்டத்திற்கு புறம்பான அத்துமீறல்களைக் குறித்து மத்திய அரசு விசாரணை மேற்கொள்ளவேண்டும். அவர்கள் மீது கடுமையான நடவடிக்கைகளை மேற்கொள்ளவும் மத்திய அரசு தயாராக வேண்டும்.

அதுமட்டும் போதாது, பல ஆண்டுகளாக வெளியுலகை காணாமல் அநியாயமாக சிறையிலடைக்கப்பட்டிருக்கும் அப்பாவி முஸ்லிம் இளைஞர்களுக்கு உரிய இழப்பீட்டை வழங்குவதுடன், அவர்களின் வாழ்க்கையை புனரமைப்பதற்கான உதவிகளை வழங்குவதற்கும் மத்திய அரசு தயக்கம் காட்டக்கூடாது. இதுதான் முன்னேறிய சமூகத்தின் அடையாளமாகும்.