ஆர்.எஸ்.எஸ் மதவெறியர்களின் அமைப்பு: ராகுல் காந்தி
போபால்,அக்.7:தடைச் செய்யப்பட்ட சிமி (இந்திய மாணவர் இஸ்லாமிய இயக்கம்) யைப்போல்(?) ஆர்.எஸ்.எஸ்ஸும் மதவெறியர்களின் அமைப்பு என ராகுல் காந்தி கூறியுள்ளார்.இரு அமைப்புகளுக்கு மத அடிப்படைவாத பார்வைகளே உள்ளன என அவர் பத்திரிகையாளர் சந்திப்பில் தெரிவித்தார். மதவாத சிந்தனைக் கொண்டவர்களுக்கு இளைஞர் காங்கிரஸில் இடமில்லை எனவும் அவர் தெரிவித்தார்.
ராகுல் காந்தியின் மனோநிலை அரசியல் ரீதியான முதிர்ச்சியற்ற தன்மையை வெளிப்படுத்துவதாக பா.ஜ.க கூறியுள்ளது. மனோரீதியான நோயைக் கொண்ட ஒருவரால் மட்டுமே ஆர்.எஸ்.எஸ்ஸை தடைச் செய்யப்பட்ட சிமி அமைப்புடன் ஒப்பீடுச்செய்ய இயலுமாம், பா.ஜ.க வின் செய்தித் தொடர்பாளர் பிரகாஷ் ஜவேத்கர் கூறுகிறார்.
ஆர்.எஸ்.எஸ் தேசிய உணர்வுக் கொண்ட(?) அமைப்பு என்றும், சிமி தடைச்செய்யப்பட்ட அமைப்பாகும் எனவும் ஜவேத்கர் தெரிவிக்கிறார்.
செய்தி:தேஜஸ் மலையாள நாளிதழ்
0 கருத்துரைகள்:
Post a Comment